പെരിനാട്: ലോകത്തിന് വേറൊരിടത്തും ഇല്ലാത്ത ഐക്യമാണ് ഭാരതത്തിലുള്ളതെന്നും ജനങ്ങള്‍ അധ്വാനിക്കുന്നതിന്റെ ഫലമായാണ് വികസനമുണ്ടാകുന്നതെന്നും കേന്ദ്രമന്ത്രി ജോര്‍ജ് കുര്യന്‍. ഗുരുവായൂര്‍ മധുര എക്‌സ്പ്രസ് ട്രെയിനിന് പെരിനാട് അനുവദിച്ച സ്റ്റോപ്പിന്റെ ഫ്‌ളാഗ്ഓഫ് നിര്‍വഹിക്കുകയായിരുന്നു മന്ത്രി. കൊല്ലം വെസ്റ്റ് ജില്ലാ കമ്മിറ്റിയുടെയും പനയം പഞ്ചായത്ത് സമിതിയുടെയും നേതൃത്വത്തിലാണ് മന്ത്രിയെ സ്റ്റേഷനില്‍ സ്വീകരിച്ചത്.
ബിജെപി വെസ്റ്റ് ജില്ലാ പ്രസിഡന്റ് എസ്. പ്രശാന്ത്, സംസ്ഥാന വക്താവ് റിട്ട. കേണല്‍ എസ്. ഡിന്നി, തിരുവനന്തപുരം മേഖലാ ജനറല്‍ സെക്രട്ടറി എ.ജി. ശ്രീകുമാര്‍, സംസ്ഥാന സമിതിയംഗം എം.എസ്. ശ്യാംകുമാര്‍, ജില്ലാ ജനറല്‍ സെക്രട്ടറി ഇടവട്ടം വിനോദ്, വൈസ് പ്രസിഡന്റ് ബൈജു കൂനമ്പായിക്കുളം, ജില്ലാ സെക്രട്ടറിമാരായ ഹരീഷ് തെക്കടം, സാംരാജ്, മീഡിയ കണ്‍വീനര്‍ പ്രതിലാല്‍, കടവൂര്‍ മണ്ഡലം പ്രസിഡന്റ് ഷൈന്‍, പനയം ഗ്രാമ പഞ്ചായത്തംഗങ്ങളായ അനന്തകൃഷ്ണന്‍, രഞ്ജിനി, രതീഷ്, ജയകുമാരി, കരുവ ഗ്രാമപഞ്ചായത്തംഗം അഞ്ജു, പനയം പഞ്ചായത്ത് സമിതി പ്രസിഡന്റ് അനില്‍കുമാര്‍ എന്നിവര്‍ പങ്കെടുത്തു.
