തൃശൂര്‍ : കാനഡയില്‍ നിന്നും ഉംറക്കെത്തിയ മലയാളി യുവാവ് ഒമാനില്‍ മുങ്ങി മരിച്ചു. വാടാനപ്പള്ളി സ്വദേശി മുഹമ്മദ് ഹാഷിം (37) ആണ് മരിച്ചത്.
സലാലയിലെ ഐന്‍ ജര്‍സീസ് വാദിയിലാണ് അപകടമുണ്ടായത്. കാനഡയില്‍ നിന്ന് സൗദിയിലെത്തി ഉംറ കഴിഞ്ഞ് സലാലയിലുള്ള മാതാപിതാക്കളെ സന്ദര്‍ശിക്കാന്‍ എത്തിയതാണ് മുഹമ്മദ് ഹാഷിം. കുടുംബസമേതമാണ് കുളിക്കാന്‍ ഇറങ്ങിയത്. ഇതിനിടെ മുഹമ്മദ് ഹാഷിം മുങ്ങിപ്പോവുകയായിരുന്നു. രിസാല സ്റ്റഡി സര്‍ക്കിള്‍ നാഷണല്‍ വിസ്ഡം കണ്‍വീനറായിരുന്നു.
