ന്യൂദല്‍ഹി: കേന്ദ്ര ആഭ്യന്തര മന്ത്രി അമിത് ഷായ്ക്ക് 61-ാം ജന്മദിനനാളില്‍ ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. . ഇന്ത്യയുടെ ആഭ്യന്തര സുരക്ഷാ സംവിധാനം ശക്തിപ്പെടുത്തുന്നതില്‍ അമിത് ഷാ നടത്തുന്ന അക്ഷീണ പരിശ്രമത്തെയും പ്രധാനമന്ത്രി പ്രശംസിച്ചു.
‘ആഭ്യന്തര മന്ത്രി അമിത് ഷായ്ക്ക് ജന്മദിനാശംസകൾ. പൊതുസേവനത്തിലുള്ള അദ്ദേഹത്തിന്റെ സമർപ്പണവും കഠിനാധ്വാനവും ഏറെ പ്രകീർത്തിക്കപ്പെട്ടതാണ്,” പ്രധാനമന്ത്രി എക്സില്‍ കുറിച്ചു. ‘ഇന്ത്യയുടെ ആഭ്യന്തര സുരക്ഷാ സംവിധാനം ശക്തിപ്പെടുത്തുന്നതിനും ഓരോ ഇന്ത്യക്കാരനും സുരക്ഷിതത്വവും അന്തസ്സും നിറഞ്ഞ ജീവിതം നയിക്കുന്നുവെന്ന് ഉറപ്പാക്കുന്നതിനും അദ്ദേഹം പ്രശംസനീയമായ ശ്രമങ്ങൾ നടത്തിയിട്ടുണ്ട്. അദ്ദേഹത്തിന് ആയുരാരോഗ്യ സൗഖ്യം നേരുന്നു,’ -എക്സിലെ പ്രധാനമന്ത്രിയുടെ പോസ്റ്റ് തുടരുന്നു.
നന്ദിയറിയിച്ച് അമിത് ഷാ
പ്രധാനമന്ത്രി നരേന്ദ്ര മോദിയുടെ ജന്മദിനാശംസകൾക്ക് നന്ദി അറിയിച്ച് കേന്ദ്ര ആഭ്യന്തര മന്ത്രി അമിത് ഷാ എക്സില്‍ മറുപടി നല്‍കി. . “ബഹുമാനപ്പെട്ട പ്രധാനമന്ത്രി നരേന്ദ്ര മോദി, താങ്കളുടെ ആശംസകൾക്ക് നന്ദി. പ്രചോദനാത്മകമായ ഈ വാക്കുകൾ രാഷ്‌ട്രത്തെ മികച്ച രീതിയിൽ സേവിക്കാൻ കൂടുതൽ കരുത്തേകുന്നു. വികസിത രാഷ്‌ട്രം കെട്ടിപ്പടുക്കാനുള്ള ഈ യാത്രയിലെ പിന്തുണയ്‌ക്കും നന്ദി,” അമിത് ഷാ എക്‌സിൽ കുറിച്ചു.
