തിരുവനന്തപുരം: ആരും സമന്‍സ് അയച്ചിട്ടില്ലെന്നും മകന്‍ കണ്ടിട്ടില്ലെന്നും മകന്‍ വിവേക് കിരണ്‍ വിജയനെതിരായ ഇഡി സമന്‍സില്‍ പ്രതികരിച്ച് മുഖ്യമന്ത്രി പിണറായി വിജയന്. ഒരു ദുഷ്‌പേരും ഉണ്ടാക്കാത്ത മക്കളില്‍ തനിക്ക് അഭിമാനമാണ്. തന്റെ ജീവിതം കളങ്കരഹിതമെന്നും മുഖ്യമന്ത്രി അവകാശപ്പെട്ടു. കേന്ദ്ര ഏജന്‍സിയും ഒരു പത്രവും തന്നെ കളങ്കിതനാക്കാന്‍ ശ്രമിക്കുകയാണ്. വന്നത് നനഞ്ഞ പടക്കമാണ്.
മകന്‍ വിവേക് കിരണിനെ ലാവലിന്‍ കേസുമായി ബന്ധപ്പെട്ട് മൊഴിയെടുക്കാന്‍ വിളിപ്പിച്ചുവെന്ന് മലയാള മനോരമ പ്രസിദ്ധീകരിച്ച വാര്‍ത്തയില്‍ ആദ്യമായാണ് മുഖ്യമന്ത്രി പ്രതികരിക്കുന്നത്.
2020ല്‍ ക്രൈം നന്ദകുമാര്‍ നല്‍കിയ പരാതിയിന്‍മേലാണ് അന്വേഷണം തുടങ്ങിയത്. രണ്ടു വര്‍ഷം മുമ്പാണ് ലാവലിന്‍ കേസിലെ കള്ളപ്പണം വെളിപ്പിക്കല്‍ പരാതിയുടെ അന്വേഷണത്തിന്റെ ഭാഗമായി വിവേക് കിരണ്‍ വിജയന് ഇഡി മൊഴിയെടുക്കുന്നതിനായി സമന്‍സ് അയച്ചതെന്ന് വാര്‍ത്തയില്‍ പറഞ്ഞിരുന്നു.
