തിരുവനന്തപുരം : നെയ്യാറ്റിന്‍കരയിലെ വീട്ടമ്മ സലീല കുമാരിയുടെ മരണം ആത്മഹത്യയെന്ന് വ്യക്തമാക്കി പൊലീസ്. വീട്ടില്‍ നിന്ന് ആത്മഹത്യാക്കുറിപ്പ് പൊലീസ് കണ്ടെടുത്തു. ആത്മഹത്യാക്കുറിപ്പില്‍ കോണ്‍ഗ്രസ് നേതാവ് ജോസ് ഫ്രാങ്ക്‌ളിന്റെ പേര് ഉണ്ടെന്ന് പൊലീസ് പറഞ്ഞു.
നഗരസഭ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാനെതിരെ ആത്മഹത്യാക്കുറിപ്പില്‍ ഗുരുതര ആരോപണങ്ങളാണ് ഉള്ളതെന്ന് പൊലീസ് അറിയിച്ചു. വായ്‌പ നല്‍കാമെന്ന പേരില്‍ കബളിപ്പിച്ചുവെന്ന് ആത്മഹത്യ കുറിപ്പില്‍ പറയുന്നു.
കഴിഞ്ഞ ദിവസം ഗ്യാസില്‍ നിന്ന് തീ പടര്‍ന്നായിരുന്നു മുട്ടക്കാട് സ്വദേശി സലീല കുമാരി മരിച്ചത്. വീടിന് സമീപം ബേക്കറി നടത്തിവരികയായിരുന്നു സുനിത.
വീട്ടില്‍ മക്കളും സുനിതയും മാത്രമാണ് താമസം. മകള്‍ രാവിലെ ടെക്‌നോപാര്‍ക്കില്‍ ജോലിക്ക് പോയി. സംഭവസമയത്ത് മകന്‍ അഖില്‍ വീട്ടില്‍ ഉണ്ടായിരുന്നു. സുനിതയുടെ നിലവിളികേട്ട് ഓടിയെത്തിയ മകനും സമീപവാസികളും ചേര്‍ന്ന് നെയ്യാറ്റിന്‍കര ആശുപത്രിയിലും തുടര്‍ന്ന് മെഡിക്കല്‍ കോളജ് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല
