ന്യൂദല്‍ഹി:ബ്രിട്ടീഷ് പ്രധാനമന്ത്രി കെയ്ര്‍ സ്റ്റാമര്‍ അടുത്തയാഴ്ച ഇന്ത്യയില്‍ എത്തും. ബ്രിട്ടീഷ് പ്രധാനമന്ത്രിയായ ശേഷം ഇന്ത്യയിലേക്കുള്ള ആദ്യത്തെ ഔദ്യോഗിക സന്ദര്‍ശനമാണ് ഇത്.
പ്രധാനമന്ത്രി മോദിയുടെ ഔദ്യോഗിക ക്ഷണം സ്വീകരിച്ചാണ് കെയ്ര്‍ സ്റ്റാമര്‍ എത്തുന്നത്. ഒക്ടോബര്‍ 8,9 തീയതികളില്‍ ആയിരിക്കും സന്ദര്‍ശനം എന്നാണ് കരുതുന്നത്. ബിസിനസ്, സാങ്കേതികവിദ്യ എന്നീ മേഖലകളില്‍ പങ്കാളിത്തമായിരിക്കും അജണ്ട.
മുംബൈയില്‍ നടക്കുന്ന ആഗോള ഫിന്‍ടെക് സമ്മേളനത്തില്‍ ബ്രിട്ടീഷ് പ്രധാനമന്ത്രി പങ്കെടുക്കും. ധനകാര്യ സാങ്കേതിക വിദ്യ അടിസ്ഥാനമാക്കിയുള്ള സമ്മേളനമാണിത്. കൃത്രിമ ബുദ്ധി, സൈബര്‍ സുരക്ഷ, പ്രതിരോധരംഗം എന്നീ മേഖലകളിലും സഹകരണം ശക്തമാക്കാന്‍ മോദി ഉദ്ദേശിക്കുന്നു. ജൂലായ് ബ്രിട്ടനും ഇന്ത്യയും തമ്മില്‍ സ്വതന്ത്രവ്യാപാരക്കരാര്‍ ഒപ്പുവെച്ച ശേഷമാണ് കെയ്‌മാര്‍ സ്റ്റാമര്‍ ഇന്ത്യയില്‍ എത്തുന്നത് എന്ന പ്രത്യേകതയും ഉണ്ട്. 2030 ഓടെ ഇന്ത്യയും ബ്രിട്ടനും തമ്മിലുള്ള വ്യാപാരം 12000 കോടി ഡോളര്‍ ആക്കി ഉയര്‍ത്തുകയാണ് ലക്ഷ്യം. വിദ്യാഭ്യാസം, കാലാവസ്ഥാനിയന്ത്രണം, സുരക്ഷ എന്നീ മേഖലകളില്‍ ഇരുരാജ്യങ്ങളും തമ്മിലുള്ള സഹകരണം ആഴത്തിലുള്ളതാക്കാന്‍ ഈ സന്ദര്‍ശനം വഴിയൊരുക്കുമെന്ന് കരുതുന്നു. ഒരു പക്ഷെ രണ്ടാമതൊരു ഇന്ത്യന്‍ നഗരത്തില്‍ കൂടി കെയ്ര്‍ സ്റ്റാമര്‍ സന്ദര്‍ശിക്കാന്‍ സാധ്യതയുണ്ട്. ഇതിന്റെ വിശദാംശങ്ങള്‍ ഇപ്പോള്‍ പുറത്തുവിട്ടിട്ടില്ല.
