മോസ്കോ: റഷ്യൻ പ്രസിഡന്റ് വഌഡിമർ പുടിൻ പറയുന്നു: മോദി ഡിയർ ഫ്രണ്ട്, ഡിസംബറിൽ ഭാരതത്തിലെത്തി കൂടിക്കാഴ്ച നടത്താൻ ആകാംക്ഷയോടെ കാത്തിരിക്കുന്നു.’ പുടിന്റെ ഭാരത സന്ദർശനം സംബന്ധിച്ച വാർത്തകൾ സ്ഥിരീകരിക്കുക മാത്രമല്ല, ആ കൂടിക്കാഴ്ചയുടെ പ്രാധാന്യവും വ്യക്തമാക്കുന്നതാണ് പുടിന്റെ വാക്കുകൾ.
ഡിസംബർ ആദ്യം പ്രധാനമന്ത്രി നരേന്ദ്ര മോദിയുമായുള്ള വാർഷിക ഉച്ചകോടിക്കായി റഷ്യൻ പ്രസിഡന്റ് പുടിൻ സന്ദർശനം നടത്തുന്നുവെന്നും പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടക്കുമെന്നും വാർത്തയുണ്ടായിരുന്നു. അതിന്റെ പിന്നാലെയാണ് ‘പ്രിയ സുഹൃത്തിനെ’ കാണാൻ ആകാംക്ഷയോടെ കാത്തിരിക്കുന്നുവെന്ന് പറഞ്ഞത്. ‘ഡിസംബർ ആദ്യം എന്റെ യാത്രയ്ക്കായി ഞാൻ ആകാംക്ഷയോടെ കാത്തിരിക്കുകയാണ്. പ്രധാനമന്ത്രി മോദിയുമായുള്ള, എന്റെ പ്രിയ സുഹൃത്തുമായുള്ള കൂടിക്കാഴ്ചയ്ക്കായി ഞാൻ വളരെയധികം കാത്തിരിക്കുന്നു,’ പുടിൻ പറഞ്ഞു.
വ്യാഴാഴ്ച വൈകുന്നേരം തെക്കൻ റഷ്യയിലെ സോച്ചിയിലെ കരിങ്കടൽ റിസോർട്ടിൽ ഇന്ത്യ ഉൾപ്പെടെ 140 രാജ്യങ്ങളിൽ നിന്നുള്ള സുരക്ഷാ, ഭൗമരാഷ്ട്രീയ വിദഗ്ധർ പങ്കെടുത്ത അന്താരാഷ്ട്ര വാൽഡായ് ചർച്ചാ ഫോറത്തിലാണ് പുടിൻ ഇങ്ങനെ അഭിപ്രായപ്പെട്ടത്.
ഭാരത-റഷ്യ ബന്ധങ്ങളെക്കുറിച്ച് പുടിൻ പറഞ്ഞു: ‘സോവിയറ്റ് യൂണിയൻ മുതൽ, ഭാരതജനത സ്വാതന്ത്ര്യത്തിനായി പോരാടിയ കാലം മുതൽ ഭാരത ബന്ധം സവിശേഷമാണ്. ഭാരതം അത് അറിയുന്നു, ഓർക്കുന്നു, വിലമതിക്കുന്നു; ഒരിക്കലും അത് മറക്കുന്നില്ല എന്നതിൽ സന്തോഷമുണ്ട്, അഭിനന്ദനമുണ്ട്. . അതിനാൽ ഞങ്ങളുടെ ബന്ധങ്ങൾ വികസിച്ചുകൊണ്ടിരിക്കുന്നു.’
ഭാരതത്തിനും റഷ്യയ്ക്കും ഒരിക്കലും അന്തർസംസ്ഥാന സ്വഭാവമുള്ള പ്രശ്നങ്ങളോ വ്യത്യാസങ്ങളോ ഉണ്ടായിട്ടില്ല. പ്രധാനമന്ത്രി മോദി വളരെ ന്യായബോധമുള്ള, ബുദ്ധിമാനായ നേതാവാണ്.
അദ്ദേഹം തന്റെ രാജ്യത്തിന്റെ താൽപ്പര്യങ്ങളിൽ വളരെയധികം ശ്രദ്ധ കേന്ദ്രീകരിക്കുന്നു. അതിനാൽ ഇപ്പോൾ ഞങ്ങളുടെ മുൻഗണന ഫലപ്രദവും പരസ്പരം പ്രയോജനകരവുമായ വ്യാപാര ബന്ധങ്ങൾ കെട്ടിപ്പടുക്കുക എന്നതാണ്. സുരക്ഷാ മേഖലയിലും ഞങ്ങൾക്ക് വളരെ വിശ്വസനീയമായ ബന്ധങ്ങളുണ്ട്.’
റഷ്യൻ എണ്ണ വാങ്ങുന്നത് നിർത്താൻ ഭാരതത്തെ സമ്മർദ്ദത്തിലാക്കുന്നതിനെതിരെ പുടിൻ അമേരിക്കയ്ക്ക് മുന്നറിയിപ്പ് നൽകി, ന്യൂദൽഹി ഒരിക്കലും സ്വയം അപമാനിക്കപ്പെടാൻ അനുവദിക്കില്ലെന്ന് പറഞ്ഞു. ‘ഭാരതം നമ്മുടെ ഊർജ്ജ സ്രോതസ്സുകൾ ഉപേക്ഷിക്കുമോ? ആരും തങ്ങളെ അപമാനിക്കാൻ ഒരിക്കലും അനുവദിക്കില്ല. പ്രധാനമന്ത്രി ധനരേന്ദ്രപ മോദിയെ എനിക്കറിയാം, അദ്ദേഹവും അത്തരം തീരുമാനങ്ങൾ എടുക്കില്ല, പുടിൻ പറഞ്ഞു.
