കോട്ടയം: എന്.എസ്എസിനെ അനുനയിപ്പിക്കാന് മധ്യസ്ഥ ചര്ച്ച ആവശ്യമില്ലെന്ന് കോണ്ഗ്രസ് നേതാവ് തിരുവഞ്ചൂര് രാധാകൃഷ്ണന്. കോണ്ഗ്രസുമായുള്ള എന്.എസ്എസിന്റെ ബന്ധം മെച്ചപ്പെടുത്താന് മധ്യസ്ഥ ചര്ച്ചയ്ക്ക് തയ്യാറാണെന്ന് മുസ്ളീം ലീഗ് നേതാവ് പാണക്കാട് തങ്ങള് കഴിഞ്ഞ ദിവസം പറഞ്ഞിരുന്നു. എന്.എസ്എസിന്റെ നിലപാടിനെ ബഹുമാനത്തോടെ കാണുന്നുവെന്നും ശബരിമലയില് കൃത്യമായ നിലപാട് എന്.എസ്.എസിനുണ്ടെന്നും തിരുവഞ്ചൂര് മാധ്യമപ്രവര്ത്തകരോടു പറഞ്ഞു. കോണ്ഗ്രസ് എന്എസ്എസ് ബന്ധം പണ്ടേ നല്ല രീതിയിലാണ്. മാധ്യമങ്ങള് വ്യാഖ്യാനിച്ച് അകല്ച്ച ഉണ്ടാക്കരുതെന്നും തിരുവഞ്ചൂര് അഭ്യര്ത്ഥിച്ചു. അതേസമയം എന്.എസ്എസിനെ അനുനയിപ്പിക്കാന് കോണ്ഗ്രസ് നേതാക്കള് ഒന്നൊന്നായി പെരുന്നയിലേക്ക് എത്തിക്കൊണ്ടിരിക്കുകയാണ്. അടൂര് പ്രകാശിനും പി ജെ കുര്യനും പിന്നാലെയാണ് തിരുവഞ്ചൂര് രാധാകൃഷ്ണനും എന്എസ്എസ് ആസ്ഥാനത്തെത്തി ജനറല് സെക്രട്ടറി സുകുമാരന് നായരുമായി ചര്ച്ച നടത്തിയത്.
