ബെഗുസാരായ് (ബീഹാർ): ബീഹാറിലെ ബെഗുസാരായിയിലെ നവരാത്രി ദുർഗാ പൂജപ്പന്തലിൽ ട്രംപ്‌വധം. അമേരിക്കൻ പ്രസിഡന്റ് ഡൊണാൾഡ് ട്രംപിനെ ദുർഗ്ഗാദേവി വധിക്കുന്ന നിശ്ചയ ദൃശ്യം ഇവിടത്തെ പൂജപ്പന്തലിലും വന്നത് വലിയ ചർച്ചയാണ്. ബംഗാളിൽ പലയിടങ്ങളിലും ട്രംപിനെ വധിക്കുന്ന, ഒരു കൈയിൽ പാക് പ്രധാനമന്ത്രിയുടെ തലയറുത്തുപിടിച്ചിരിക്കുന്ന, ബംഗ്ലാദേശ് താൽക്കാലിക പ്രധാനമന്ത്രി മൊഹമ്മദ് യൂനസിനെ ആയുധപ്രയോഗയത്തിൽ വീഴ്‌ത്തിയിരിക്കുന്ന ദുർഗാദേവിയെ അവതരിപ്പിച്ചിരുന്നത് വലിയ ചർച്ചയായിരുന്നു. അതിനു പിന്നാലെയാണ് ബീഹാറിൽനിന്നുള്ള വാർത്തകൾ. നാട്ടുകാർ പറയുന്നതനുസരിച്ച്, ഈ ദൃശ്യാവിഷ്‌കാരം’തിന്മയുടെ മേൽ നന്മയുടെ വിജയത്തിന്റെ ശക്തമായ പ്രതീക’മാണ്. യുഎസ് ഭാരതത്തിനുമേൽ ഏർപ്പെടുത്തിയ പുതിയ 100% താരിഫ് എന്ന തീരുമാനമാണ് പ്രസിഡന്റ് ട്രംപിനെ അസുരനാക്കിമാറ്റിയിരിക്കുന്നത്.
