കണ്ണൂര്: അയ്യന്കുന്നില് വനം വകുപ്പിന്റെ പരിശോധനയില് കടുവാ സാന്നിധ്യം കണ്ടെത്താന് ആയില്ല. കടുവയിറങ്ങിയെന്ന സംശയത്തില് അയ്യന്കുന്നിലും പരിസര പ്രദേശങ്ങളിലും വനം വകുപ്പ് അധികൃതരുടെ നേതൃത്വത്തില് വ്യാപക തെരച്ചില് നടത്തിയെങ്കിലും തെളിവുകളൊന്നും ലഭിച്ചില്ല.
കഴിഞ്ഞ ദിവസങ്ങളില് പ്രദേശത്ത് സ്ഥാപിച്ച ക്യാമറകള് പരിശോധിച്ചതില് കടുവയുടെ ദൃശ്യങ്ങള് പതിഞ്ഞിട്ടില്ല. തിങ്കളാഴ്ച വനം വകുപ്പും ആര്ആര്ടി ജീവനക്കാരും സംയുക്തമായി നടത്തിയ പട്രോളിംഗിലും കടുവാ സാന്നിധ്യം കണ്ടെത്തിയില്ല.
രണ്ട് ദിവസം തുടര്ച്ചയായി പട്രോളിംഗ് നടത്തിയെങ്കിലും കടുവയെ കണ്ടെത്താനായില്ല.ക്യാമറ ട്രാപ്പ് പരിശോധനയിലും ഡ്രോണ് നിരീക്ഷണത്തിലും കടുവാ സാന്നിധ്യം കണ്ടെത്താന് സാധിച്ചില്ല. ഈ പശ്ചാത്തലത്തില് കടുവ കാട്ടിലേക്ക് തന്നെ തിരികെ പോയതായി കൊട്ടിയൂര് റേഞ്ച് ഓഫീസ് അധികൃതര് സ്ഥിരീകരിച്ചു.അതേസമയം, പ്രദേശത്തെ പട്രോളിംഗും നിരീക്ഷണവും തുടരും.
