ന്യൂദൽഹി : ലഡാക്കിലെ ആക്രമത്തിൽ അറസ്റ്റിലായ ആക്ടിവിസ്റ്റ് സോനം വാങ്ചുക്കിനെ പിന്തുണച്ച് പ്രതിപക്ഷ നേതാവ് രാഹുൽ ഗാന്ധി രംഗത്ത് . ലഡാക്കിലെ ജനങ്ങളെയും സംസ്കാരത്തെയും പാരമ്പര്യങ്ങളെയും ആക്രമിക്കുകയാണെന്നാണ് രാഹുൽ ഗാന്ധിയുടെ ആരോപണം . ലഡാക്കിനെ ആറാം ഷെഡ്യൂളിൽ ഉൾപ്പെടുത്തണമെന്നും രാഹുൽ ആവശ്യപ്പെട്ടു.
“ലഡാക്കിലെ ജനങ്ങൾ ശബ്ദമുയർത്തി. നാല് യുവാക്കളെ കൊന്നും സോനം വാങ്ചുകിനെ ജയിലിലടച്ചും നിങ്ങൾ പ്രതികരിച്ചു. കൊലപാതകം നിർത്തുക, അക്രമം നിർത്തുക, ഭീഷണികൾ നിർത്തുക . ലഡാക്കിന് ഒരു ശബ്ദം നൽകൂ, അവർക്ക് ആറാം ഷെഡ്യൂൾ നൽകൂ.” എന്നാണ് രാഹുൽ പറയുന്നത് .
അക്രമം രൂക്ഷമായ ലേയിൽ തുടർച്ചയായ അഞ്ചാം ദിവസവും കർഫ്യൂ നിലവിലുണ്ട്, നിയന്ത്രണങ്ങൾ ലഘൂകരിക്കുന്നതിനെക്കുറിച്ച് തീരുമാനിക്കാൻ ലെഫ്റ്റനന്റ് ഗവർണർ കവിന്ദർ ഗുപ്ത സുരക്ഷാ അവലോകന യോഗം ചേരുമെന്ന് ഉദ്യോഗസ്ഥർ പറഞ്ഞു
കർശനമായ ദേശീയ സുരക്ഷാ നിയമപ്രകാരമാണ് സോനം വാങ്ചുക് അറസ്റ്റിലായത് . കഴിഞ്ഞ ദിവസം സിപിഎമ്മും സോനത്തെ ഉടൻ മോചിപ്പിക്കണമെന്ന് പറഞ്ഞിരുന്നു.
