ചെന്നൈ: നടന്‍ വിജയിന്റെ റാലിക്ക് നേരെ കല്ലേറുണ്ടാതെന്ന ആരോപണം നിഷേധിച്ച് എഡിജിപി ഡേവിഡ്സണ്‍ ദേവശീര്‍വതം. വിജയിന്റെ പാര്‍ട്ടിയായ തമിഴക വെട്രി കഴകത്തിന്റെ (ടിവികെ) നേതാക്കള്‍ പൊലീസ് മുന്നറിയിപ്പ് അവഗണിച്ചതാണ് തിക്കിനും തിരക്കിനും കാരണമായതെന്നും എഡിജിപി ഡേവിഡ്സണ്‍ പറഞ്ഞു.
റാലിക്ക് നേരെ കല്ലേറുണ്ടായിട്ടില്ല. നാമക്കലിലും വിജയുടെ റാലി വെച്ചിരുന്നു. എന്നാല്‍ അവിടുത്തെ പ്രവര്‍ത്തകര്‍ കൂടി കരൂരിലെ പരിപാടിയില്‍ ചേരുകയായിരുന്നു. ഇതാണ് തിക്കിനും തിരക്കിനും കാരണമായതെന്നാണ് എഡിജിപി ഡേവിഡ് സണ്‍ ദേവശീര്‍വതം വാര്‍ത്താസമ്മേളനത്തില്‍ നല്‍കുന്ന വിശദീകരണം.
അതേ സമയം തിക്കും തിരക്കുമുണ്ടായതിന് പിന്നില്‍ ഗൂഢാലോചനയുണ്ടായെന്നാണ് വിജയിന്റെ ആരോപണം. മാത്രമല്ല, പൊലീസ് റാലിയില്‍ പങ്കെടുത്തവര്‍ക്ക് നേരെ ലാത്തിച്ചാര്‍ജ്ജും നടന്നു. ഇതും തിക്കിനും തിരക്കിനും കാരണമായെന്നും വിജയ് ആരോപിക്കുന്നു.
