ഭുവനേശ്വർ: ഒഡീഷയിലെ വനവാസി ആധിപത്യമുള്ള കിയോഞ്ജർ ജില്ലയിൽ നടന്നുകൊണ്ടിരുന്ന നിർബന്ധിത മതപരിവർത്തനത്തിന് കടിഞ്ഞാണിട്ട് ഭരണകൂടം. ജില്ലയിലെ ചമ്പുവ ബ്ലോക്കിന് കീഴിലുള്ള ബാലഭദ്രപുർ ഗ്രാമത്തിൽ പ്രധാനമന്ത്രി ആവാസ് യോജന (പിഎംഎവൈ) പ്രകാരം സർക്കാർ ഭൂമിയിൽ നിർമ്മിച്ച ഒരു വീട് ക്രിസ്തുമത പ്രചാരണത്തിനും മതപരിവർത്തനത്തിനുമായി ഉപയോഗിച്ച് വന്നിരുന്നു. ക്രിസ്ത്യൻ മിഷനറിമാർ പതിവായി ഗ്രാമം സന്ദർശിക്കുകയും പാവപ്പെട്ട തദ്ദേശ വനവാസികളെ വശീകരിച്ച് മതപരിവർത്തനം നടത്തുകയും ചെയ്തു. ഈ നീച പ്രവർത്തികൾക്കാണ് അറുതി വരുത്തിയത്.
നിർബന്ധിത മതംമാറ്റം ഗ്രാമത്തിലെ സാമൂഹിക ഐക്യം തകർക്കുന്നതായി പലപ്പോഴായി പരാതികൾ ഉയർന്നിരുന്നു. പ്രദേശവാസികൾ ഇതിനെതിരെ നിരവധി തവണ പ്രതിഷേധിച്ചിരുന്നു. സാഹചര്യം കണക്കിലെടുത്ത് ചമ്പുവ ഭരണകൂടം പ്രസ്തുത വീട് ഇപ്പോൾ സീൽ ചെയ്തിരിക്കുയാണ്.
ലഭിച്ച വിവരങ്ങൾ അനുസരിച്ച് പ്രദേശവാസിയായ മക്രു മുണ്ടയുടെ ഭാര്യ ജെമാമണി മുണ്ടയുടെ പേരിൽ ബലഭദ്രപൂർ ഗ്രാമത്തിലെ അക്കൗണ്ട് നമ്പർ 64, പ്ലോട്ട് നമ്പർ 413 ൽ പ്രധാനമന്ത്രി ആവാസ് യോജന (പിഎംഎവൈ) പ്രകാരം ഒരു വീട് നിർമ്മിച്ചു. ഈ വീട് നിർമ്മിച്ചതിനുശേഷം ക്രമേണ ഈ വീട് ഒരു പള്ളിയുടെ രൂപമെടുത്തു. ഞായറാഴ്ചകളിൽ പ്രാർത്ഥനാ യോഗങ്ങൾക്കും പ്രസംഗിക്കുന്നതിനും മതപരിവർത്തന ശ്രമങ്ങൾക്കുമായി പുറത്തുനിന്നുള്ള ക്രിസ്ത്യൻ പ്രസംഗകർ ഇത് ഉപയോഗിച്ചു. വനവാസി സമൂഹത്തിലെ പാവപ്പെട്ട കുടുംബങ്ങളെ ആകർഷിക്കാനും അവരെ മതപരിവർത്തനത്തിന് വശീകരിക്കാനും ഈ യോഗങ്ങളിൽ ശ്രമം നടന്നതായും പ്രദേശവാസികൾ ആരോപിച്ചു.
ഈ പ്രവർത്തനത്തിനെതിരെ ഗ്രാമവാസികൾ നിരവധി തവണ പ്രതിഷേധിക്കുകയും ഭരണകൂടത്തിൽ നിന്ന് നടപടി ആവശ്യപ്പെടുകയും ചെയ്തിരുന്നു. തുടർന്ന് ഗ്രാമവാസികളും ക്രിസ്ത്യൻ മിഷനറിമാരും തമ്മിൽ നിരവധി തവണ ഏറ്റുമുട്ടൽ സാഹചര്യങ്ങൾ ഉണ്ടായി. കഴിഞ്ഞ മാസങ്ങളിലും പോലീസിന് സ്ഥലത്തെത്തി ഇരു കക്ഷികളെയും സമാധാനിപ്പിക്കേണ്ടി വന്നു.
അടുത്തിടെ തർക്കം വീണ്ടും പൊട്ടിപ്പുറപ്പെടുകയും വിഷയം പോലീസ് സ്റ്റേഷനിൽ എത്തുകയും ചെയ്തു. ഇതിനുശേഷം ഭരണകൂടം നടപടിയെടുക്കുകയും ചെയ്തു. കേസ് നമ്പർ 409/2025 പ്രകാരം ചമ്പുവ തഹസിൽദാർ സജത് മാർക്കെ, പോലീസ് സ്റ്റേഷൻ ഇൻ-ചാർജ് രമാകാന്ത് മുദുലി, അഡീഷണൽ തഹസിൽദാർ പ്രതീക്ഷ പ്രിയദർശിനി എന്നിവരുടെ സാന്നിധ്യത്തിൽ ബന്ധപ്പെട്ട വീട് ഇരുമ്പ് പൂട്ട് ഉപയോഗിച്ച് സീൽ ചെയ്യുകയായിരുന്നു. വീട്ടിൽ അനധികൃത പ്രവർത്തനങ്ങൾ അനുവദിക്കില്ലെന്നും പ്രവേശനം നിരോധിച്ചിട്ടുണ്ടെന്നും ഉദ്യോഗസ്ഥർ വ്യക്തമാക്കി.
ഭവന പദ്ധതിയുടെ വിവര ബോർഡ് മായ്ച്ച് പള്ളിയാക്കി
പ്രധാനമന്ത്രിയുടെ ഭവന പദ്ധതിയുടെ വിവര ബോർഡ് മായ്ച്ചുകളയുകയും അതിൽ പള്ളി എന്ന് എഴുതുകയും ചെയ്തതായും അതിനുശേഷം പ്രാർത്ഥനാ യോഗങ്ങൾ പതിവായി നടന്നിരുന്നതായും ഗ്രാമവാസികൾ പറയുന്നു. പുറത്തുനിന്നുള്ള മിഷനറിമാരുടെ വരവ് ഗ്രാമത്തിന്റെ സാമൂഹിക ഘടനയെ നശിപ്പിക്കുകയായിരുന്നു, ഇത് പ്രാദേശിക ഗോത്രവർഗക്കാർക്കിടയിൽ നീരസത്തിന് കാരണമായി.
ഭരണകൂടം യഥാസമയം നടപടിയെടുക്കുന്നില്ലെന്നും അതുകൊണ്ടാണ് ചില ആളുകൾക്ക് ഇത്തരം പ്രവർത്തനങ്ങളോടുള്ള ധൈര്യം വർദ്ധിച്ചുവരുന്നതെന്നും ഗ്രാമവാസികൾ ആരോപിക്കുന്നുണ്ട്.
