ചെന്നൈ:: നടന്‍ വിജയ് കഴിഞ്ഞ ആഴ്ചയാണ് ഡിഎംകെയുടെ കുടുംബവാഴ്ചയെ ചോദ്യം ചെയ്തത്. ഈ കുടുംബവാഴ്ചയില്ലാത്ത ഒരു തമിഴ്നാടാണ് തന്റെ സ്വപ്നമെന്ന് വിജയ് പറഞ്ഞത് തിരുവാരൂരില്‍ നടന്ന പൊതുയോഗത്തിലാണ്. ഇതോടെ ഡിഎംകെ കോട്ടയില്‍ അസ്വസ്ഥത തുടങ്ങിയിരിക്കുകയാണ്. കരുണാനിധിയ്‌ക്ക് ശേഷം സ്റ്റാലിന്‍, അത് കഴിഞ്ഞാല്‍ മകന്‍ ഉദയനിധി സ്റ്റാലിന്‍. ഈ മക്കള്‍ രാഷ്‌ട്രീയത്തെയാണ് വിജയ് എതിര്‍ക്കുന്നത്.
ഇതോടെ നടന്‍ വിജയുടെ രാഷ്‌ട്രീപാര്‍ട്ടിയെയും രാഷ്‌ട്രീയത്തെയും ചോദ്യം ചെയ്ത് നശിപ്പിക്കാന്‍ ശ്രമിക്കുകയാണ് ഡിഎംകെ. വിജയ് പാര്‍ട്ടി രൂപീകരിച്ചത് അമിത് ഷായുടെ ഉപദേശപ്രകാരമെന്നാണ് തമിഴ്നാട് സ്പീക്കര്‍ എം. അപ്പാവു പറയുന്നു. നടന്‍ വിജയ് പ്രസംഗിക്കുന്നത് തന്നെ അഹങ്കാരത്തോടെയാണ് എന്നും പിന്നില്‍ അമിത് ഷാ ഉണ്ടെന്നതാണ് ഈ അഹങ്കാരത്തിന് കാരണമെന്നും അപ്പാവു വിമര്‍ശിക്കുന്നു. .
വിജയിന്റെ പാര്‍ട്ടിയായ തമിഴ്നാട് വെട്രി കഴകം (ടിവികെ) ജനറല്‍ സെക്രട്ടറി ബൂസ്സി ആനന്ദ് വഴിയാണ് അമിത് ഷാ വിജയിനോട് പാര്‍ട്ടി രൂപീകരിക്കാന്‍ നിര്‍ദേശം നല‍്കിയതെന്നും അപ്പാവു ആരോപിക്കുന്നു.
