ലഡാക്ക് :ലഡാക്കിലെ ഒരു പരിസ്ഥിതി എന്ജിഒ സംഘടനയുടെ നേതാവ് കൂടിയായ സോനം വാങ്ചുക്കിന്റെ ഇരട്ടമുഖം പുറത്ത്. ലഡാക്കിലെ ലേയില് കലാപം പുറപ്പെട്ടപ്പോള് ഇയാള് താന് നിരാഹാരസമരം പിന്വലിക്കുന്നതായി പ്രഖ്യാപിച്ചിരുന്നു. കലാപം ഒന്നിനും പരിഹാരമല്ലെന്നും ഗാന്ധിജിയുടെ വഴിയാണ് തന്റേതെന്നും സോനം വാങ് ചുക്ക് അഭിപ്രായപ്രകടനം നടത്തിയിരുന്നു.
സെപ്തംബര് 10ന് യുവാക്കളെ കലാപത്തിന് പ്രേരിപ്പിച്ചുകൊണ്ട് സോനം വാങ്ചുക് എന്ന പരിസ്ഥിതി എന്ജിഒ പ്രവര്ത്തകന് ലഡാക്കില് നടത്തിയ പ്രസംഗം:
Anarchist Sonam Wangchuk first incited mobs on 10th Sept, and with Congress’s help, he set Leh on fire on 24th Sept. His actions have been anything but peaceful. What he preaches on national TV and what he practices are poles apart. pic.twitter.com/oJUyzqzbDI
— Amit Malviya (@amitmalviya) September 25, 2025
എന്നാല് ഇത് ഇയാളുടെ മുഖം മൂടി മാത്രമാണെന്നതിന്റെ തെളിവ് പുറത്ത്. സെപ്തംബര് 10ന് യുവാക്കളെ കലാപത്തിന് പ്രേരിപ്പിക്കുന്ന ഇയാളുടെ പ്രസംഗം പുറത്തായിട്ടുണ്ട്. സമൂഹമാധ്യമങ്ങളില് ഈ പ്രസംഗം വൈറലായി പ്രചരിക്കുന്നു.
സെപ്തംബര് 24ന് കോണ്ഗ്രസിന്റെ നിര്ദേശപ്രകാരമാണ് ഇയാള് ലേയില് കലാപത്തിന് വഴിമരുന്നിട്ട് കൊടുത്തതെന്നും പറയുന്നു. ഇക്കാര്യം ആരോപിച്ചുകൊണ്ട് ബിജെപി ഐടി സെല് മേധാവി അമിത് മാളവ്യ രംഗത്ത് വന്നു. യുവാക്കളെ കലാപത്തിന് പ്രേരിപ്പിക്കുന്ന സോനം വാങ്ചുക്കിന്റെ പ്രസംഗവും അമിത് മാളവ്യ പങ്കുവെച്ചിട്ടുണ്ട്.
നാല് പേരുടെ മരണത്തിനിടയാക്കിയ കലാപത്തിന് ശേഷം ലേയില് നിരോധനാജ്ഞ പുറപ്പെടുവിച്ചിരിക്കുകയാണ്. ഇവിടം സൈന്യത്തിന്റെ നിയന്ത്രണത്തിലാണിപ്പോള്.
