വാഷിംഗ്ടണ് : ജോ ബൈഡന് അമേരിക്കന് പ്രസിഡന്റ് ആയിരുന്നപ്പോള് പാക് അധീന കശ്മീര് സന്ദര്ശിച്ച് മോദിയെ വെല്ലുവിളിച്ച ഇല്ഹാന് ഒമറിനെ ഓര്മ്മയില്ലേ? 2022ലാണ് ഈ സംഭവം നടന്നത്. അന്ന് മുസ്ലിം ഭൂരിപക്ഷ കശ്മീര് സന്ദര്ശിച്ച ശേഷം കശ്മീരിന് കൂടുതല് അമേരിക്കന് ശ്രദ്ധ കിട്ടുമെന്ന് പ്രസ്താവനയും നടത്തി അന്ന് യുഎസ് കോണ്ഗ്രസ് അംഗമായ ഇല്ഹാന് ഒമര്.
സോമാലിയയില് ജനിച്ച പിന്നീട് അമേരിക്കന് പൗരത്വം നേടിയ ഇല്ഹാന് ഒമര് ഡമോക്രാറ്റിക് പാര്ട്ടി പ്രതിനിധി ആണ്. പക്ഷെ ഇപ്പോള് അമേരിക്കന് പ്രസിഡന്റ് ട്രംപില് നിന്നും കടുത്ത ചീത്തവിളിയാണ് ഇല് ഹാന് ഒമറിന് ലഭിച്ചത്. ട്രംപിന്റെ അനുയായിയായ ചാര്ളി കിര്ക്കിനെ വെടിവെച്ച് കൊലപ്പെടുത്തിയതിന് കാരണക്കാരന് ചാര്ളി കിര്ക്ക് തന്നെയാണെന്ന് ഇല്ഹാന് ഒമര് നടത്തിയ പ്രസ്താവനയാണ് ട്രംപിനെ ചൊടിപ്പിച്ചത്.
” ഒന്നുമില്ലായ്മയില് നിന്നും വന്നവരാണ്. ഇവരെപ്പോലുള്ളവര്. എന്നിട്ട് നമ്മളോട് രാജ്യം എങ്ങിനെ ഭരിയ്ക്കണമെന്ന് ഇവര് പറയാന് ധൈര്യപ്പെടുന്നു. ഇവരുടെ രാജ്യമായ സോമാലിയയില് ഒരു സര്ക്കാര് തന്നെയുണ്ടോ?അവര്ക്ക് ഒരു പ്രസിഡന്റ് തന്നെയുണ്ടോ? ഈ ഒന്നുമില്ലാത്തിടത്ത് നിന്നും വന്ന് അവര് നമ്മളെ ഭരണം പഠിപ്പിക്കാന് ശ്രമിക്കുന്നു. ഇവരെ ഇംപീച്ച് ചെയ്യും. “- ഇല്ഹാന് ഒമറിനെതിരെ പൊട്ടിത്തെറിച്ച് ട്രംപ് പറഞ്ഞു. പക്ഷെ ഇല്ഹാന് ഒമറിനെ താക്കീത് ചെയ്യണമെന്ന പ്രമേയം അമേരിക്കന് കോണ്ഗ്രസില് പാസായില്ല. എങ്കിലും ഒമറിനെ ഇംപീച്ച് ചെയ്യുമെന്ന തീരുമാനത്തില് ഉറച്ചുനില്ക്കുകയാണ് ട്രംപ്.
