വാഴ്‌സോ: റഷ്യ- ഉക്രൈന്‍ സംഘര്‍ഷം രൂക്ഷമായിക്കൊണ്ടിരിക്കുന്ന സാഹചര്യത്തില്‍ അതിര്‍ത്തി ലംഘിച്ചെത്തിയ റഷ്യയുടെ ഡ്രോണുകള്‍ പോളണ്ട് വെടിവെച്ചിട്ടു.
പോളണ്ടിന്റെ അതിര്‍ത്തക്കടുത്തുള്ള ഉക്രൈനിന്റെ പടിഞ്ഞാറന്‍ മേഖലകളില്‍ റഷ്യ വ്യോമാക്രമണം ആരംഭിച്ചതിനാല്‍ ബുധനാഴ്ച അതിര്‍ത്തിസംരക്ഷണത്തിനായി വിമാനങ്ങള്‍ വിന്യസിച്ചതായി റഷ്യന്‍ വ്യോമസേന അറിയിച്ചിരുന്നു. തുടര്‍ന്ന് വാഴ്‌സോയിലേതുള്‍പ്പെടെ നാല് വിമാനത്താവളങ്ങള്‍ പോളണ്ട് അടച്ചു.
ഡ്രോണുകള്‍ അതിര്‍ത്തി ലംഘിക്കുന്നത് നിരീക്ഷിക്കാന്‍ റഡാര്‍ സംവിധാനങ്ങളും ഏര്‍പ്പെടുത്തിയതായി സായുധസേനാ മേധാവി എക്‌സില്‍ കുറിച്ചു.
നാറ്റോ അംഗമാണ് പോളണ്ട്. ഉക്രൈനിനെ പിന്തുണക്കുന്നവരിലെ പ്രധാനിയുമാണ്. ദശലക്ഷം ഉക്രൈന്‍ അഭയാര്‍ത്ഥികളാണ് പോളണ്ടിലേക്ക് കുടിയേറിയത്. ഉക്രൈനിന് സൈനിക സഹായമുള്‍പ്പെടെ എത്തിക്കുന്ന കേന്ദ്രവുമാണ് പോളണ്ട്.
