നാഗര്കോവില്: കന്യാകുമാരിയില് കണ്ണാടിപ്പാലത്തില് വിള്ളല് വീണതിനെ തുടര്ന്ന് വിനോദ സഞ്ചാരികള് പരിഭ്രാന്തിയില്. തമിഴ്നാട് സര്ക്കാര് 37 കോടിയോളം രൂപ ചിലവഴിച്ച് കൊട്ടിഘോഷിച്ച് ഉത്ഘാടനം ചെയ്ത വിവേകാനന്ദപ്പാറയെയും തിരുവള്ളുവര് പ്രതിമയെയും തമ്മില് ബന്ധിപ്പിക്കാനായി പണിത കണ്ണാടിപ്പാലത്തിന്റെ പാളിയിലാണ് വിള്ളല് കണ്ടത്.
വിള്ളലിനെ തുടര്ന്ന് പൂം പുകാര് ഷിപ്പിങ് കോര്പറേഷന് അധികൃതര് അതുവഴി നടന്നു പോകുന്നത് തടഞ്ഞു. എന്നാല് കണ്ണാടിപ്പാലത്തിലെ ഒരു ഗ്ലാസില് ഉണ്ടായ വിള്ളല് ആഗസ്റ്റ് മാസം നടന്ന അറ്റകുറ്റ പണികള്ക്കിടയില് ചുറ്റിക വീണ് ഉണ്ടായതാണെന്നാണ് അധികൃതര് പറയുന്നത്. ഇതില് സഞ്ചാരികള് പരിഭ്രാന്തരാകേണ്ട കാര്യമില്ലെന്നും ജില്ലാ ഭരണകൂടം അറിയിച്ചു.
വിള്ളല് കണ്ടെത്തിയതിനെ തുടര്ന്ന് ഗ്ലാസ് മാറ്റുന്നതിനായി ചെന്നൈയിലെ ബന്ധപ്പെട്ട കമ്പനിയെ വിവരം അറിയിച്ചെന്നും. മാറ്റാനുള്ള പ്രാരംഭ നടപടികള് ആരംഭിച്ചെന്നും അധികൃതര് അറിയിച്ചു. ഉദ്ഘാടനത്തിനു ശേഷം 17 ലക്ഷംപേരാണ് കണ്ണാടിപ്പാലം സന്ദര്ശിച്ചത്.
ജന്മഭൂമി ഓണ്ലൈന്