തിരുവനന്തപുരം: മലബാര്‍ കലാപത്തില്‍ ഹിന്ദുക്കള്‍ ആക്രമിക്കപ്പെടുകയാണ് ഉണ്ടായതെന്നും അത് സ്വാതന്ത്ര്യസമരമായി കണക്കാക്കുന്നത് ചരിത്രനിഷേധമാണെന്നും പറഞ്ഞതോടെ വെള്ളാപ്പള്ളിയ്‌ക്കെതിരെ ഇടത് പക്ഷ ക്യാമ്പില്‍ അസ്വസ്ഥത പടരുന്നു. വെള്ളാപ്പള്ളി ചില അപ്രിയസത്യങ്ങള്‍ തുറന്നുപറഞ്ഞതാണ് ഇടത് പക്ഷത്തില്‍ അസ്വസ്ഥത പടര്‍ത്തുന്നത്. വെള്ളാപ്പള്ളിയെ പിണക്കാതിരിക്കാന്‍ മുഖ്യമന്ത്രി പിണറായി വിജയന്‍ ഒരു വശത്ത് വെള്ളാപ്പള്ളിയെ പുകഴ്‌ത്തുമ്പോള്‍ മന്ത്രി കൃഷ്ണന്‍കുട്ടിയെ ഉപയോഗിച്ച് വെള്ളാപ്പള്ളിക്ക് താക്കീത് നല്‍കാന്‍ ശ്രമിക്കുകയാണ് ഇടത് സര്‍ക്കാര്‍. വെള്ളാപ്പള്ളി വായടയ്‌ക്കണമെന്നാണ് മന്ത്രി കൃഷ്ണന്‍കുട്ടിയെക്കൊണ്ട് ഇടത്പക്ഷം പറയിച്ചിരിക്കുന്നത്. .
ഏറ്റവുമൊടുവില്‍ മലബാര്‍ കലാപത്തില്‍ ഹിന്ദുക്കള്‍ ആക്രമിക്കപ്പെടുകയാണ് ഉണ്ടായതെന്നും അത് സ്വാതന്ത്ര്യസമരമായി കണക്കാക്കുന്നത് ചരിത്രനിഷേധമാണെന്നും പറഞ്ഞതോടെയാണ് ഇടത് ക്യാമ്പില്‍ കൂടുതല്‍ അസ്വസ്ഥത പടര്‍ന്നിരിക്കുന്നത്. മുസ്ലിം സമുദായത്തില്‍പ്പെട്ടവര്‍ ഹിന്ദുക്കളെ മാനഭംഗപ്പെടുത്തുകയും മതപരിവര്‍ത്തനം ചെയ്യുകയും ചെയ്ത മഹത്തായ ദുരിതമായിരുന്നു മാപ്പിള ലഹള. ഇത് കേട്ടറിഞ്ഞ ഗുരുദേവന്‍ എന്താണ് സംഭവിക്കുന്നത് എന്നറിയാന്‍ കുമാരനാശാനെ പറഞ്ഞയച്ചു. കുമാരനാശാന്‍ എന്താണ് നടക്കുന്നതെന്ന് ഗുരുദേവനോട് വിവരിച്ചു. അതില്‍ ഗുരുദേവനുണ്ടായ അതീവ ദുഖമാണ് സര്‍വ്വ മത സമ്മേളനം വിളിച്ചുകൂട്ടാന്‍ കാരണമായത്. “- കഴിഞ്ഞ ദിവസം ശ്രീനാരായണീയം കണ്‍വെന്‍ഷന്‍ സെന്‍റര്‍ ഉദ്ഘാടനം ചെയ്ത് സംസാരിക്കുകയായിരുന്നു വെള്ളാപ്പള്ളി.
മലപ്പുറം പ്രത്യേക രാജ്യമാണെന്നും, പ്രത്യേക ആളുകളുടെ സംസ്ഥാനമാണെന്നും, ഈഴവ സമുദായ അംഗങ്ങള്‍ ഭയന്നു കഴിയുകയാണെന്നും പ്രസംഗിച്ചത് മൂന്നു മാസം മുന്‍പാണ്. മുസ്ലിംകള്‍ പ്രൊഡക്ഷന്‍ കൂട്ടുകയാണെന്നും കേരളത്തില്‍ മുസ്ലിംകള്‍ ഭൂരിപക്ഷമാകുമെന്നും മുഖ്യമന്ത്രി സ്ഥാനം പിടിച്ചെടുക്കുകയാണ് ലീഗിന്റെ ലക്ഷ്യമെന്നും ഇടത് പക്ഷവും കോണ്‍ഗ്രസും മുസ്ലിങ്ങളെ പ്രീതിപ്പെടുത്താനാണ് ശ്രമിക്കുന്നതെന്നും വെള്ളാപ്പള്ളി പറഞ്ഞിരുന്നു.
