ന്യൂദല്ഹി: പാര്ലമെന്റും നിയമസഭകളും പാസാക്കിയ ബില്ലുകളില് ഒപ്പിടാന് രാഷ്ട്രപതിയോടും ഗവര്ണര്മാരോടും സമയ പരിധി നിശ്ചയിക്കാനാകില്ലെന്നു സുപ്രീംകോടതിയുടെ സുപ്രധാന നിരീക്ഷണം. സമയ പരിധി നിശ്ചയിച്ച സുപ്രീംകോടതി ഡിവിഷന് ബെഞ്ച് ഉത്തരവിനെതിരേ രാഷ്ട്രപതി നല്കിയ റഫറന്സില് വാദം കേള്ക്കുമ്പോഴാണ്, ഭരണഘടനാ ബെഞ്ച് ഇങ്ങനെ പറഞ്ഞത്.
ബില്ലുകള് വച്ചുതാമസിപ്പിച്ച ചില സംഭവങ്ങളുണ്ടാകാം.
എന്നാല് അതിന്റെ പേരില് രാഷ്ട്രപതിക്കും ഗവര്ണര്മാര്ക്കും സമയ പരിധി നിശ്ചയിക്കാന് സുപ്രീംകോടതിക്ക് അധികാരമുണ്ടെന്നു തോന്നുന്നില്ല. ചീഫ് ജസ്റ്റിസ് ബി.ആര്. ഗവായ്, ജസ്റ്റിസ് സൂര്യകാന്ത്, ജസ്റ്റിസ് വിക്രംനാഥ്, ജസ്റ്റിസ് പി.എസ്. നരസിംഹ, ജസ്റ്റിസ് അതുല് എസ്. ചന്ദ്രശേഖര് എന്നിവരുടെ ഭരണഘടനാ ബെഞ്ച് വ്യക്തമാക്കി.
ബില്ലുകള് വച്ചുതാമസിപ്പിക്കുന്ന സംഭവങ്ങളുണ്ടായാല്
എന്തു ചെയ്യുമെന്നു കോടതിസ്വയം ചോദിച്ചു. ഭരണഘടനയുടെ 200, 201 വകുപ്പുകള് ഭേദഗതി ചെയ്തു സമയ പരിധി ഉള്പ്പെടുത്തുക മാത്രമാണ് ഇതിനുള്ള വഴി, ജസ്റ്റിസ് വിക്രംനാഥ് പറഞ്ഞു.
