ന്യൂദല്ഹി: ബിഹാറിലെ വോട്ടര് പട്ടികയില് കേന്ദ്ര തെരഞ്ഞെടുപ്പ് കമ്മീഷന്റെ പ്രത്യേക തീവ്ര പുനഃപരിശോധനയില് (എസ്ഐആര്) ഞെട്ടിക്കുന്ന വിവരങ്ങള് പുറത്തു വന്നതോടെ കോണ്ഗ്രസ് നേതാവ് രാഹുല്ഗാന്ധി നടത്തുന്ന വോട്ടധികാര യാത്രയെ പിന്തുണയ്ക്കുന്നവര് വെട്ടിലായി. ബംഗ്ലാദേശ്, നേപ്പാള്, മ്യാന്മര്, അഫ്ഗാനിസ്ഥാന് എന്നിവിടങ്ങളില് നിന്നുള്ള ആളുകള് വരെ വോട്ടര് തിരിച്ചറിയല് കാര്ഡുകള് കൈവശം വച്ചിരിക്കുന്നതായാണ് ബി എല് ഒമാര് നടത്തിയ പരിശോധനയില് കണ്ടെത്തിയത്. ഇലക്ഷന് കമ്മിഷന്റെ പരിശോധനയെ തുടക്കംമുതല് എതിര്ക്കുന്ന കോണ്ഗ്രസിന് വ്യാജ വോട്ടര്മാരെ പിന്തുണയ്ക്കുന്ന നിലപാടാണുള്ളത്. അഫ്ഗാനിസ്ഥാനും ബംഗ്ലാദേശും പോലുള്ള രാജ്യങ്ങളില് നിന്നുളളവര്ക്ക് വോട്ടധികാരം നല്കണമെന്ന രാഹുല് ഗാന്ധിയുടെ വാദം രാജ്യത്ത് വിഘടനവാദം ശക്തിപ്പെടുത്താനുള്ള ഗൂഢനീക്കത്തിന്റെ ഭാഗമായാണ് വിലയിരുത്തുന്നത്.
ആധാര്, താമസ സര്ട്ടിഫിക്കറ്റ്, റേഷന് കാര്ഡ് ഉള്പ്പെടെയുള്ള രേഖകളും ഇത്തരക്കാര് സ്വന്തമാക്കിയിട്ടുണ്ടെന്നാണ് പുറത്തുവരുന്ന വിവരങ്ങള്.
