കോട്ടയം: കൊട്ടിഘോഷിച്ചു തുടങ്ങിയ രാഹുല്‍ ഗാന്ധിയുടെ വോട്ടവകാശ യാത്രയെ കോണ്‍ഗ്രസ് പ്രവര്‍ത്തകര്‍ പോലും തഴഞ്ഞതോടെ മനോരമയ്‌ക്കും വേണ്ടാതായി. ആവേശം ജ്വലിപ്പിച്ച് എം കെ സ്റ്റാലിന്‍ എന്നാണ് തലക്കെട്ടെങ്കിലും ഒരൊറ്റ കോളമാണ് ആര്‍ജെഡി നേതാവ് തേജസ് യാദവും തമിഴ്‌നാട് മുഖ്യമന്ത്രി എം കെ സ്റ്റാലിനും പ്രിയങ്കാ ഗാന്ധിയും പങ്കുചേര്‍ന്ന ദിവസത്തെ സ്വീകരണ പരിപാടിക്കു വേണ്ടി മനോരമ മാറ്റിവച്ചത്. ബീഹാറില്‍ വോട്ടവകാശ യാത്രയില്‍ പ്രമുഖ നേതാക്കള്‍ ഒത്തു ചേര്‍ന്ന് ആവേശത്തിരയിലൂടെ സഞ്ചരിക്കുന്നു എന്ന് പറഞ്ഞു കൊടുത്ത പടത്തില്‍ എട്ടുപേര്‍ മാത്രമാണുള്ളത്. ഈ പടമാകട്ടെ എ പ്‌ളസ് കിട്ടിയ കുട്ടിയുടെ ചിത്രം കൊടുക്കുന്ന തരത്തില്‍ ഒറ്റക്കോളത്തില്‍! സ്വീകരിക്കാനെത്തിയവരെ കാണിക്കാന്‍ മനോരമ ധൈര്യപ്പെട്ടതുമില്ല.
രാഹുല്‍ഗാന്ധിയുടെ വോട്ടവകാശ യാത്രയില്‍ പലയിടത്തും പാര്‍ട്ടി പ്രവര്‍ത്തകര്‍ പോലും പങ്കെടുക്കുന്നില്ലെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. വോട്ടവകാശ യാത്ര പൊളിഞ്ഞതിന്‌റെ ജാള്യം മറയ്‌ക്കാന്‍ വാര്‍ത്ത മുക്കുകയാണ് കേരളത്തിലെ കോണ്‍ഗ്രസിന്‌റെ ജിഹ്വയായ മനോരമ ചെയ്തുകൊണ്ടിരിക്കുന്നത്. രാഹുല്‍ ഗാന്ധിയും എങ്ങനെയെങ്കിലും യാത്ര അവസാനിപ്പിച്ചാല്‍ മതിയെന്ന അവസ്ഥയിലാണ് .
