എറണാകുളം : സിനിമയിലെ നഷ്ടകണക്ക് ഇനി പുറത്ത് വിടില്ലെന്ന് പ്രൊഡ്യൂസേഴ്സ് അസോസിയേഷന്‍. നിര്‍മ്മാതാക്കളുടെ സംഘടനയുടെ പുതിയ ഭരണ സമിതിയാണ് തീരുമാനമെടുത്തത്.
നേരത്തെയുണ്ടായ സാഹചര്യം നിലവിലില്ലെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.അഭിനേതാക്കളുടെ പ്രതിഫല വിഷയത്തില്‍ താരസംഘടന അമ്മയ്‌ക്ക് നല്‍കിയ കത്ത് ഉടന്‍ പരിഗണിക്കുമെന്ന് പുതിയ ഭരണസമിതി ഉറപ്പ് നല്‍കിയിട്ടുണ്ട്. രണ്ടു സംഘടനകളും കൂട്ടായി പ്രശ്നം പരിഹരിക്കുമെന്നും പ്രൊഡ്യൂസേഴ്സ് അസോസിയേഷന്‍ വ്യക്തമാക്കി.
പൊതുയോഗത്തിന് ശേഷം ഇക്കാര്യത്തില്‍ തീരുമാനം അറിയിക്കുമെന്ന് അമ്മ പ്രസിഡന്റ് ശ്വേത മേനോനും പറഞ്ഞു. എക്സിക്യൂട്ടിവ് കമ്മിറ്റിക്ക് ശേഷം അംഗങ്ങള്‍ക്കുള്ള ഓണകിറ്റ് വിതരണം ശ്വേത മേനോന്‍ നിര്‍വഹിച്ചു. ചടങ്ങില്‍ ശ്വേതാ മേനോനെ പ്രോഡ്യുസെഴ്സ് അസോസിയേഷന്‍ ആദരിച്ചു
