ബാങ്കോക്: ലോകത്ത് ഏറ്റവും ഉയരത്തിലുള്ള ഗണേശ പ്രതിമഎവിടെയാണ്? അല്ല, ഭാരതത്തിലല്ല, തായ്ലാൻഡിലാണ്. 12 നില കെട്ടിടത്തിന്റെ ഉയരം വരും ഗണേശ പ്രതിമയ്‌ക്കും പീഠത്തിനും കൂടി.
ചാചോങ്സാവോ പ്രവിശ്യയിൽ ഖ്ലോങ് ഖ്യുവാൻ ഗണേശ് ഇൻ്റർ നാഷണൽ പാർക്കിലാണ് വിഗ്രഹം. ഏകദേശം 30 മീറ്റർ ഉയരമുള്ള, പീഠത്തോടുകൂടിയ ഗണേശ പ്രതിമയ്‌ക്ക് 39 മീറ്റർ ഉയരമുണ്ട് അതായത് 12 നില കെട്ടിടത്തിന്റെ ഉയരം. 40,000 ചതുരശ്ര മീറ്ററാണ് പാർക്ക് ! പ്രതിമയെ നിർമ്മിച്ചിരിക്കുന്നത് വെങ്കലത്തിലാണ്. 854 വെങ്കല കഷണങ്ങൾ ചേർത്താണ് പ്രതിമ ഒരുക്കിയിരിക്കുന്നത്. നൂറുകണക്കിന് ടൺ ഭാരം വഹിക്കാൻ കഴിയുന്നതാണ് അടിത്തറ.
നിർമ്മാണം നടത്തി കലാകാരന്മാർ തായ്‌ലൻഡുകാരാണ്. അവർ വിജയഗണപതിയെയാണ് നിർമ്മിച്ചത്. പുരോഗതിയും ഐശ്വര്യവും തരുന്നു ഗണപതി എന്നാണ് അവിടത്തുകാരുടെ വിശ്വാസം. തായ്‌ലൻഡിൽ, ഗണേശനെ ”ഫ്രാ ഫിക്കാനെറ്റ്/ഫ്രാ ഫിക്കാനെസുവാൻ” എന്നും വിളിക്കുന്നു. ഗജദൈവത്തെ ഭാഗ്യത്തിന്റെ മൂർത്തിയായി അവർ ആരാധിക്കുന്നു. പ്രതിമയിയുടെ കൈകളിൽ സമൃദ്ധിയുടെ കാർഷിക ചിഹ്നങ്ങളായ മാമ്പഴം, ചക്ക, വാഴപ്പഴം, കരിമ്പ് എന്നിവയുണ്ട്.
ആഗസ്ത് 27 നാണ് കേരളത്തിൽ ഗണേശ ചതുർത്ഥി ആഘോഷിക്കുന്നത്.
