ധര്മ്മസ്ഥല: ധര്മ്മസ്ഥലയില് പെണ്കുട്ടികളെ കൂട്ടക്കൊലപാതകം ചെയ്യുന്നു എന്ന കള്ളക്കേസില് ഏറ്റവുമധികം ബഹളം കൂട്ടിയ ഒരാളായിരുന്നു കേരളത്തില് നിന്നുള്ള മനാഫ് എന്ന ലോറി ഉടമ. ഇദ്ദേഹം ലോറി ഉടമ മനാഫ് എന്ന പേരില് നടത്തുന്ന യൂട്യൂബ് ചാനലില് തുടര്ച്ചയായി ധര്മ്മസ്ഥലസംഭവത്തെക്കുറിച്ച് ദിവസേന ലൈവ് അപ്ഡേറ്റ് കൊടുത്തിരുന്ന വ്യക്തിയാണ്. ധര്മ്മസ്ഥലയിലേക്ക് കേരളത്തില് നിന്നുള്ളതടക്കം മിക്ക മാധ്യമങ്ങളെയും കോര്ഡിനേറ്റ് ചെയ്തിരുന്നതും മനാഫ് ആണ്. കാരണം കേസിനെക്കുറിച്ച് അധികം ധാരണയില്ലാത്ത മാധ്യമപ്രവര്ത്തകര്ക്ക് അതിനെക്കുറിച്ചും അപ്പപ്പോഴത്തെ അപ് ഡേറ്റുകളും കൊടുത്തുകൊണ്ടിരുന്നത് മനാഫാണ്.
ഇതില് ഏറ്റവും ശ്രദ്ധേയമായ വിവരണം ന്യൂസ് 18 മലയാളം ചാനലിന്റെ ജേണലിസ്റ്റ് ബൈജുവും മനാഫും തമ്മിലുള്ള സംവാദമാണ്. നൂറുകണക്കിന് പെണ്കൂട്ടികളുടെ ശവം കുഴിച്ചിട്ട പ്രദേശം എന്ന് പറഞ്ഞ് മനാഫ് ചൂണ്ടിക്കാട്ടിക്കൊടുക്കുന്ന കാടും പടലും മൂടിക്കിടക്കുന്ന പ്രദേശത്ത് കഴിച്ചാല് നൂറുകണക്കിന് മൃതദേഹങ്ങള് കിട്ടുമെന്നാണ് മനാഫ് വിശദീകരിച്ചുകൊടുത്തത്. പൊതുവേ ഈ കേസില് മനാഫ് ധര്മ്മസ്ഥല ക്ഷേത്രത്തിനും ക്ഷേത്രാധികാരിക്കും എതിരെ ശക്തമായ വാചകങ്ങളാണ് മനാഫ് പ്രത്യക്ഷപ്പെടുന്ന വീഡിയോകളില് പറഞ്ഞിരുന്നത്. എന്തിനാണ് ഹിന്ദുക്ഷേത്രവുമായി ബന്ധപ്പെട്ട കേസില് അന്യമതസ്ഥനായ മനാഫ് രോഷത്തോടെ അഭിപ്രായപ്രകടനം നടത്തുന്നത് എന്നതില് പലരും ആശങ്കപ്പെട്ടിരുന്നു.
മാത്രമല്ല, ക്ഷേത്രത്തിലെ ശുചീകരണത്തൊഴിലാളി എന്ന് പറഞ്ഞ് എത്തിയ വ്യക്തിയെ കണ്ണടച്ച് വിശ്വസിക്കുന്ന നിലപാടായിരുന്നു മനാഫിന്റേത്. ഇയാള് പറയുന്ന ഓരോ കഥയും ശരിയാണ് എന്ന മട്ടിലായിരുന്നു മനാഫ് വിശദീകരിച്ചിരുന്നത്. അതുപോലെ ധര്മ്മസ്ഥലയിലെ കൂട്ടക്കൊലയെക്കുറിച്ച് വീഡിയോ ചെയ്ത സമീറിനെ പൂര്ണ്ണമായും പിന്തുണച്ചാണ് ഇയാള് ന്യൂസ് 18 മലയാളം ഉള്പ്പെടെയുള്ള എല്ലാ ചാനലുകളഇലും വിശദീകരിച്ചിരുന്നത്. ഇക്കാലയളവില് മനാഫ് മിക്ക ടിവി ചാനല് ചര്ച്ചകളിലും പ്രത്യക്ഷപ്പെടുകയും ധര്മ്മസ്ഥല എന്ന ക്ഷേത്രഭൂമി നിറയെ പെണ്കുട്ടികളുടെ ശവമാണ് എന്ന രീതിയിലാണ് മനാഫ് ഈ ചര്ച്ചകളില് പറഞ്ഞിരുന്നത്. ഇതെല്ലാം ഇപ്പോള് നേരെ തിരിഞ്ഞുവന്നതോടെ മനാഫിന്റെ വിശ്വാസ്യത നഷ്ടമായി. നേരത്തെ ഇയാള് ഇടപെട്ട അര്ജുന് എന്ന ലോറി ഡ്രൈവറുടെ കേസിലും മനാഫിനെതിരെ അര്ജുന്റെ കുടുംബം പരാതിപ്പെട്ടതോടെ ഇയാളുടെ വിശ്വാസ്യത നഷ്ടമായിരുന്നു. അതിന് ശേഷം ഒരു ഇടവേളയ്ക്ക് ശേഷമാണ് ഇയാള് ധര്മ്മസ്ഥല കേസുമായി ബന്ധപ്പെട്ട് വീണ്ടും മാധ്യമങ്ങളുടെ മുമ്പാകെ എത്തിയിരുന്നത്.
എന്തായാലും ധര്മ്മസ്ഥല കള്ളക്കേസില് നൂറ്റാണ്ടുകള് പഴക്കമുള്ള ക്ഷേത്രത്തിലെ പ്രതിഷ്ഠയായ മഞ്ജുനാഥസ്വാമിയുടെ ശക്തിയെന്തെന്ന് തെളിഞ്ഞു എന്നാണ് സാധാരണ ഭക്തര് അവകാശപ്പെടുന്നത്. മാത്രമല്ല, ഗൂഢാലോചന നടത്തി ക്ഷേത്രത്തിനെതിരെ പരാതി വരികയും കര്ണ്ണാടക മുഖ്യമന്ത്രി സിദ്ധരാമയ്യ പ്രത്യേക അന്വേഷണസംഘത്തെ രൂപീകരിക്കുകയും ചെയ്തപ്പോള് അതിന് സ്വാഗതം ചെയ്തയാളാണ് ധര്മ്മസ്ഥല മഞ്ജുനാഥക്ഷേത്രത്തിലെ ഇപ്പോഴത്തെ ധര്മ്മാധികാരി വീരേന്ദ്ര ഹെഗ്ഗഡെ. കര്ണ്ണാടകത്തിലെ എന്ജിഒകളും മതപരിവര്ത്തനലോബിയും മാവോയിസ്റ്റ് ഗ്യാങ്ങുകളും ഇസ്ലാം മൗലികവാദസംഘങ്ങളും കോണ്ഗ്രസും കൈകോര്ത്ത് പിടിച്ച് കെട്ടിപ്പൊക്കിയ വലിയൊരു ഗൂഢാലചനയുടെ കോട്ടയാണ് അടപടലം തകര്ന്ന് വീണത്. വീരേന്ദ്ര ഹെഗ്ഗഡെ എന്ന വലിയ മനുഷ്യന്റെ സത്യവും തെളിഞ്ഞു.
ധര്മ്മസ്ഥ കേസുമായി ബന്ധപ്പെട്ട് മനാഫ് അറസ്റ്റ് ചെയ്യപ്പെട്ടേയ്ക്കും എന്ന് പല ചാനലും ഉയര്ത്തിയ അവകാശവാദങ്ങളെ പരിഹസിച്ച് ലോറി ഉടമ വെള്ളിയാഴ്ച ഒരു യൂട്യൂബ് വീഡിയോ ചെയ്തിരുന്നു. ഒരു മരക്കമ്പനിയുടെ അടുത്ത് നിന്നും ഷൂട്ട് ചെയ്ത ഈ വീഡിയോയില് മര അഴികള്ക്ക് പിന്നില് നിന്നുകൊണ്ട് താന് ജയിലിലായി എന്ന് പരിഹസിക്കുകയാണ് മനാഫ്. പക്ഷെ ഇപ്പോള് ഇദ്ദേഹം ഒളിവിലാണെന്നും ഇദ്ദേഹത്തെ പ്രത്യേക അന്വേഷണ സംഘം അന്വേഷിച്ച് വരികയാണെന്നും റിപ്പോര്ട്ടുകളുണ്ട്.
മനാഫിന്റെ വീഡിയോ:
https://www.youtube.com/watch?v=QTDH3vUKw4A
