പാലക്കാട്: നല്ലേപ്പിള്ളിയില് പിതാവിനെ മര്ദിച്ച് കൊലപ്പെടുത്തിയെന്ന് മകന് സമ്മതിച്ചെന്ന് പൊലീസ്. നല്ലേപ്പിള്ളി സ്വദേശി രാമന്കുട്ടിയെ (58) ആണ് മകന് ആദര്ശ് കൊലപ്പെടുത്തിയത്. പിതാവിന് മദ്യം നല്കിയ ശേഷമായിരുന്നു ആക്രമണമെന്നാണ് സംശയം.
കഴിഞ്ഞ് രാത്രിയാണ് രാമന്കുട്ടിയെ വീടിന് മുന്നില് മരിച്ച നിലയില് കണ്ടെത്തിയത്. ശരീരത്തില് പരിക്കുകള് ഉണ്ടായിരുന്നു. ബന്ധുക്കള്ക്ക് തോന്നിയ സംശയമാണ് കൊലപാതകം പുറത്തെത്തിച്ചത്.
വിശദ പരിശോധനയില് മര്ദനമേറ്റാണ് മരിച്ചതെന്നും പിന്നില് മകന് ആദര്ശാണെന്നും പൊലീസ് കണ്ടെത്തി.അമ്മ 55 ദിവസം മുമ്പ് മരിച്ചതോടെ ആദര്ശും രാമന്കുട്ടിയും മാത്രമാണ് വീട്ടില് താമസിച്ചിരുന്നത്. ആരോഗ്യ പ്രശ്നങ്ങള് ഉള്ളയാളാണ് രാമന്കുട്ടി. കൊലപാതകം നടത്തിയ സമയത്ത് ആദര്ശ് ലഹരിയിലായിരുന്നു.
