വാഹന പ്രേമികൾ കാത്തിരുന്ന ടൊയോട്ട കാമ്രി ഹൈബ്രിഡ് ഇലക്ട്രിക് കാറിന്റെ സ്പ്രിന്‍റ് എഡിഷൻ എത്തി, ഇന്ത്യയിൽ ബുക്കിംഗ് തുടങ്ങി

ബെംഗളൂരു: ടൊയോട്ട കിർലോസ്കർ മോട്ടോർ (ടി കെ എം) തങ്ങളുടെ പ്രശസ്തമായ ലക്ഷ്വറി ഹൈബ്രിഡ് ഇലക്ട്രിക് സെഡാന്റെ പുതിയ പതിപ്പായ കാമ്രി ഹൈബ്രിഡ് ഇലക്ട്രിക് കാറിന്റെ സ്പ്രിന്‍റ് എഡിഷൻ പുറത്തിറക്കി. ആകർഷകമായ ഡ്യുവൽ – ടോൺ ബോഡി, മാറ്റ് ബ്ലാക്ക് ഫിനിഷ്, എക്സ്ക്ലൂസീവ് സ്പോർട്സ് കിറ്റ് എന്നിവയോടെ സ്പോർട്ടി ലുക്കും മികച്ച പ്രകടനവും സമന്വയിപ്പിക്കുന്ന ഈ പുതിയ വേരിയന്റ്, പുതിയ കാലത്തെ ഉപഭോക്താക്കളുടെ ആഗ്രഹങ്ങൾക്ക് അനുസൃതമായാണ് രൂപകൽപ്പന ചെയ്തിരിക്കുന്നത്. 2002 ൽ ഇന്ത്യയിൽ അവതരിപ്പിച്ച കാമ്രി, പ്രീമിയം സെഡാൻ വിഭാഗത്തിൽ മികവിന്റെ മാനദണ്ഡമായി തുടരുന്ന കാറാണ്. 1982 ൽ ആഗോളതലത്തിൽ അവതരിപ്പിക്കപ്പെട്ട കാമ്രി, സെഡാൻ പ്രേമികൾക്കിടയിൽ വിജയത്തിന്റെയും പ്രശസ്തിയുടെയും പ്രതീകമാണ്. “എവർ-ബെറ്റർ കാർസ്” എന്ന ടൊയോട്ടയുടെ ദർശനത്തിന് അനുസൃതമായി, കാമ്രി സ്പ്രിന്റ് എഡിഷൻ അത്യാധുനിക സാങ്കേതികവിദ്യയും ഡൈനാമിക് ഡിസൈനും സമന്വയിപ്പിക്കുന്നു.

പ്രധാന സവിശേഷതകൾ:

എൻജിൻ ഹുഡ്, റൂഫ്, ട്രങ്ക് എന്നിവയിൽ മാറ്റ് ഫിനിഷ് ബ്ലാക്ക്-ഔട്ട് ടേപ്പ് ഉപയോഗിച്ച് ഡ്യുവൽ-ടോൺ എക്സ്റ്റീരിയർ സ്റ്റൈലിംഗ്, കാറിന്റെ സ്പോർട്ടി ലുക്ക് വർദ്ധിപ്പിക്കുന്നു.

എഞ്ചിൻ : 2.5 ലിറ്റർ ഡൈനാമിക് ഫോഴ്സ് എഞ്ചിനും ഇ-സി.വി.ടി ട്രാൻസ്മിഷനും ഉയർന്ന ശേഷിയുള്ള ലിഥിയം-ഐയൺ ബാറ്ററിയും ചേർന്ന് മികച്ച ഇന്ധനക്ഷമത, കുറഞ്ഞ ഉദ്വമനം, തടസ്സമില്ലാത്ത ഹൈബ്രിഡ് ഡ്രൈവിംഗ് അനുഭവം എന്നിവ നൽകുന്നു.

എക്സ്റ്റീരിയർ : മാറ്റ് ഫിനിഷ് ബ്ലാക്ക്-ഔട്ട് ടേപ്പ് ഉപയോഗിച്ച് എഞ്ചിൻ ഹുഡ്, റൂഫ്, ട്രങ്ക് എന്നിവയിൽ ഡ്യുവൽ-ടോൺ സ്റ്റൈലിംഗ്; മാറ്റ് ബ്ലാക്ക് അലോയ് വീലുകൾ സ്പോർട്ടി ലുക്ക് വർധിപ്പിക്കുന്നു.

സ്പോർട്സ് കിറ്റ് : ഫ്രണ്ട് ബോഡി കിറ്റ്, റിയർ ബോഡി കിറ്റ്, റിയർ സ്പോയിലർ എന്നിവ വാഹനത്തിന് ആകർഷകവും എയ്റോഡൈനാമിക് ലുക്കും നൽകുന്നു.

സുരക്ഷയും സൗകര്യവും: ഡോർ വാർണിംഗ് ലാമ്പുകൾ, ആംബിയന്റ് ലൈറ്റിംഗ്, ടൊയോട്ട സേഫ്റ്റി സെൻസ് 3.0 (പ്രീ-കൊളിഷൻ സിസ്റ്റം, ഡൈനാമിക് റഡാർ ക്രൂയിസ് കൺട്രോൾ, ലെയ്ൻ ഡിപ്പാർച്ചർ അലേർട്ട്, ലെയ്ൻ ട്രേസിംഗ് അസിസ്റ്റ്, ഓട്ടോമാറ്റിക് ഹൈ ബീം), 9 എസ്.ആർ.എസ് എയർബാഗുകൾ, വെഹിക്കിൾ സ്റ്റെബിലിറ്റി കൺട്രോൾ, ട്രാക്ഷൻ കൺട്രോൾ, ഹിൽ സ്റ്റാർട്ട് അസിസ്റ്റ് കൺട്രോൾ, 360° പനോരമിക് വ്യൂ മോണിറ്റർ എന്നിവ.
അധിക സവിശേഷതകൾ: 10-വേ പവർ-അഡ്ജസ്റ്റബിൾ ഡ്രൈവർ സീറ്റ്, വെന്റിലേറ്റഡ് ഫ്രണ്ട് സീറ്റുകൾ, പാഡിൽ ഷിഫ്റ്ററുകൾ, വയർലെസ് ചാർജർ, ഹെഡ്സ്-അപ്പ് ഡിസ്പ്ലേ, മെമ്മറി ഫംഗ്ഷനോടുകൂടിയ ORVM, ടിൽറ്റ് – ടെലിസ്കോപ്പിക് സ്റ്റിയറിംഗ് കോളം.

പ്രകടനവും ഇന്ധനക്ഷമത : 5-ാം തലമുറ ഹൈബ്രിഡ് ഇലക്ട്രിക് സാങ്കേതികവിദ്യയോടെ, 169 kW (230 PS) ശക്തിയും 25.49 കിലോമീറ്റർ/ലിറ്റർ എന്ന മികച്ച ഇന്ധനക്ഷമതയും നൽകുന്നു. ഇക്കോ, നോർമൽ, സ്പോർട്ട് എന്നീ ഡ്രൈവ് മോഡുകൾ വ്യത്യസ്ത ഡ്രൈവിംഗ് അനുഭവങ്ങൾ ഉറപ്പാക്കുന്നു.

നിറങ്ങൾ : ഇമോഷണൽ റെഡ് (ചെറി റെഡ്) & മാറ്റ് ബ്ലാക്ക്, പ്ലാറ്റിനം വൈറ്റ് പേൾ & മാറ്റ് ബ്ലാക്ക്, സിമന്റ് ഗ്രേ & മാറ്റ് ബ്ലാക്ക്, പ്രെഷ്യസ് മെറ്റൽ & മാറ്റ് ബ്ലാക്ക്, ഡാർക്ക് ബ്ലൂ മെറ്റാലിക് & മാറ്റ് ബ്ലാക്ക് എന്നീ അഞ്ച് ഡ്യുവൽ-ടോൺ നിറങ്ങളിൽ ലഭ്യമാണ്.

വിലയും ലഭ്യതയും : എക്സ്-ഷോറൂം വില ₹48,50,000/- (ഇന്ത്യയിലുടനീളം ഏകീകൃത വില). ബുക്കിംഗ് www.toyotabharat.com വഴിയോ അടുത്തുള്ള ടൊയോട്ട ഡീലർഷിപ്പുകളിലോ നടത്താം.
വാറണ്ടി : ഹൈബ്രിഡ് ബാറ്ററിക്ക് 8 വർഷം അല്ലെങ്കിൽ 1,60,000 കിലോമീറ്റർ (ഏതാണ് ആദ്യം വരുന്നത്) വാറണ്ടി.

ടൊയോട്ടയുടെ പ്രതിബദ്ധത : ‘കാമ്രി സ്പ്രിന്റ് എഡിഷൻ ഉപഭോക്തൃ – കേന്ദ്രീകൃത സമീപനത്തെ പ്രതിഫലിപ്പിക്കുന്നു. ആകർഷകമായ ഡിസൈനും സുസ്ഥിര മൊബിലിറ്റിയും സമന്വയിപ്പിച്ച് ആധുനിക ഉപഭോക്താക്കളെ ആകർഷിക്കുമെന്ന് ഞങ്ങൾക്ക് ഉറപ്പുണ്ട്’ – എന്നാണ് ടി കെ എം വൈസ് പ്രസിഡന്റ് വരിന്ദർ വാധ്വ വ്യക്തമാക്കിയത്.

ടൊയോട്ട കാമ്രി ഹൈബ്രിഡ് ഇലക്ട്രിക് കാറിന്റെ സ്പ്രിന്‍റ് എഡിഷൻ ടൊയോട്ട ഭാരത് വെബ്‌സൈറ്റിൽ ഓൺലൈനായി ബുക്കിംഗ് നടത്താം. അടുത്തുള്ള ടൊയോട്ട ഡീലർഷിപ്പ് സന്ദർശിച്ചും ബുക്ക് ചെയ്യാം.