ബെംഗളൂരു: ധര്മ്മസ്ഥലയിലെ മഞ്ജുനാഥ ക്ഷേത്രത്തെ അപകീര്ത്തിപ്പെടുത്താനുള്ള നീക്കത്തിന് പിന്നിലെ കുറ്റവാളികളെ പിടികൂടാന് ഇഡി അന്വേഷണം നടത്തണമെന്ന് ആവശ്യപ്പെട്ട് ബിജെപി എംപി കോട്ട ശ്രീനിവാസ് പൂജാരി. ഇതിന് പിന്നില് അന്താരാഷ്ട്ര ഗൂഢാലോചനയും ഫണ്ടിംഗും നടന്നിട്ടുണ്ടെന്ന് ബിജെപി എംഎല്എ ഭരത് ഷെട്ടി ആരോപിക്കുന്നു..
സ്ത്രീകളെ കൂട്ടുക്കുരുതി നടത്തിയെന്ന രീതിയിലുള്ള കള്ളക്കഥകള് പരത്തി ധര്മ്മസ്ഥല ക്ഷേത്രത്തെ അപകീര്ത്തിപ്പെടുത്താനുള്ള നീക്കത്തില് പ്രതിഷേധിച്ച് കര്ണ്ണാടകയിലെ ദാവണ്ഗരെയില് വന് പ്രകടനം നടന്നു. പ്രകടനത്തില് നൂറുകണക്കിന് സ്ത്രീകള് പങ്കെടുത്തു. ഇതിന് പിന്നിലെ യഥാര്ത്ഥകുറ്റവാളികളെ കണ്ടെത്തണമെന്ന് ആവശ്യപ്പെട്ട് പ്രകടനക്കാര് എസ് പിയ്ക്ക് പരാതി നല്കി.
ഷിമോഗയിലും ഹിന്ദുവിശ്വാസികളുടെ നേതൃത്വത്തില് ധര്മ്മസ്ഥലക്ഷേത്രത്തെ അപകീര്ത്തിപ്പെടുത്താനുള്ള ഗൂഢാലോചനയ്ക്കെതിരെ റാലി നടന്നു.
ധര്മ്മസ്ഥലയിലും വിശ്വാസികളുടെ വന് പ്രകടനം നടന്നു. ധര്മ്മസ്ഥലക്ഷേത്രത്തെ നശിപ്പിക്കാനുള്ള ഗൂഢാലോചനയ്ക്ക് പിന്നില് മതപരിവര്ത്തനലോബികളും മാവോയിസ്റ്റ് കൈകളും ഉണ്ടെന്ന് പ്രതിഷേധക്കാര് ആരോപിക്കുന്നു. മൂന്ന് ദിവസം മുന്പ് ബിജെപി എംഎല്എമാരുടെ നേതൃത്വത്തില് നടന്ന ‘ധര്മ്മസ്ഥല ചലോ’ റാലിയില് ആയിരങ്ങള് പങ്കെടുത്തു.
ഗൂഢാലോചനയ്ക്ക് പിന്നീല് കോണ്ഗ്രസ് ഹൈക്കമാന്ഡും
കര്ണ്ണാടകത്തിലെ ബിജെപി അടിത്തറ ഇളക്കാനുള്ള കോണ്ഗ്രസ് ഹൈക്കമാന്ഡിന്റെ ഗൂഡാലോചനയാണ് ധര്മ്മസ്ഥലയെക്കുറിച്ച് ആരോപണം ഉയര്ന്ന ഉടനെ പ്രത്യേക അന്വേഷണസംഘത്തെ രൂപീകരിച്ചതിന് പിന്നിലെന്ന് ബിജെപി എംഎല്എ നേതാവ് ഭരത് ഷെട്ടി.
