അലാസ്ക: റഷ്യ-യുക്രൈൻ യുദ്ധം അവസാനിപ്പിക്കുന്നതിനുളള സാധ്യതകൾ ആരായാൻ ഡൊണാൾഡ് ട്രംപും വ്ലാഡിമിർ പുടിനും തമ്മിൽ നടത്തിയ ചർച്ചയിൽ തീരുമാനമായില്ല.എന്നാൽ യുക്രൈൻ പ്രസിഡന്റ് വ്ലോളാദിമിർ സെലൻസ്കി തിങ്കളാഴ്ച ട്രംപുമായി കൂടിക്കാഴ്ച നടത്തും.
യുദ്ധം അവസാനിപ്പിക്കുന്നതു സംബന്ധിച്ച് ട്രംപ് – പുടിൻ കൂടിക്കാഴ്ചയിൽ തീരുമാനമായില്ലെങ്കിലും തുടർ ചർച്ചകളിലൂടെ യുദ്ധം അവസാനിപ്പിക്കാനുള്ള ശ്രമങ്ങളാണ് നടക്കുന്നത്. കരാറുകൾ സാധ്യമായില്ലെങ്കിലും ചർച്ചകളിൽ പുരോഗതിയുണ്ടെന്ന് ട്രംപ് അറിയിച്ചു.
താത്ക്കാലിക വെടിനിർത്തൽ കരാറിലുപരി നേരിട്ട് സമാധാന കരാർ ഒപ്പിടുന്നതാണ് നല്ലതെന്ന് ചർച്ചകൾക്കുശേഷം ട്രംപ് പറഞ്ഞു. റഷ്യൻ പ്രസിഡൻറ് വ്ലാഡിമിർ പുടിനുമായി വീണ്ടും ചർച്ചകൾ നടത്തുമെന്ന സൂചനകളും ട്രംപ് നൽകി.
