തിരുവനന്തപുരം: ലയണല് മെസിയുടെ നേതൃത്വത്തിലുള്ള അര്ജന്റീന ഫുട്ബോള് ടീം കേരളത്തിലെത്തുമെന്ന് വീണ്ടും മന്ത്രി വി.അബ്ദുറഹിമാന്. നവംബറില് മെസി ഇന്ത്യയില് എത്തുമ്പോള് അര്ജന്റീന ടീമിനെ കേരളത്തിലെത്തിക്കുമെന്ന് മന്ത്രി പറഞ്ഞു.
അര്ജന്റീന ടീം കേരളത്തില് വരില്ലെന്ന് ഇതുവരെ പറഞ്ഞിട്ടില്ല. നവംബറില് കേരളത്തില് വരുമെന്നാണ് സര്ക്കാരിനെ അറിയിച്ചത്. ടീമിന് സുരക്ഷാ സംവിധാനം ഒരുക്കാന് ആവശ്യപ്പെട്ടിട്ടുണ്ട്. ആ രീതിയില് കാര്യങ്ങള് നടക്കുന്നുണ്ടെന്ന് മന്ത്രി പറഞ്ഞു.
ആദ്യത്തെ സ്പോണ്സര് മാറിയപ്പോള് ആശങ്കയുണ്ടായിരുന്നു. ഇപ്പോഴത്തെ സ്പോണ്സറോടും നവംബറില് വരുമെന്നാണ് അര്ജന്റീന ഫുട്ബോള് അസോസിയേഷന് അറിയിച്ചത്. സ്പെയിനില് താന് പായത് അര്ജന്റീന ഫുട്ബോള് അസോസിയേഷനെ കാണാന് വേണ്ടി മാത്രമല്ലെന്നും തിരുവനന്തപുരത്തെ സ്റ്റേഡിയം നിര്മാണവുമായി ബന്ധപ്പെട്ട് സ്പെയിനിലെ സ്പോര്ട്സ് കൗണ്സിലുമായി ചര്ച്ച നടത്തിയെന്നും മന്ത്രി പറഞ്ഞു.
