തിരുവനന്തപുരം: ഓപ്പറേഷന് ലൈഫിന്റെ ഭാഗമായി സംസ്ഥാന വ്യാപകമായി വെളിച്ചെണ്ണ ഉത്പാദന വിപണന കേന്ദ്രങ്ങളില് മിന്നല് പരിശോധന നടത്തി ഭക്ഷ്യ സുരക്ഷാ വകുപ്പ് . ഏഴ് ജില്ലകളില് നിന്നായി ആകെ 16,565 ലിറ്റര് വ്യാജ വെളിച്ചെണ്ണ പിടിച്ചെടുത്തു.
വെളിച്ചെണ്ണ വില വര്ധിച്ചുവരുന്നതിനാല് ഗുണനിലവാരം സംബന്ധിച്ച പരാതികള് ഭക്ഷ്യ സുരക്ഷാ വകുപ്പിന് ലഭിക്കുന്നുണ്ട്. ഇതനുസരിച്ചാണ് രഹസ്യ പരിശോധനകള് നടത്തിയത്.
പരിശോധനകള് തുടരുമെന്ന് ആരോഗ്യ മന്ത്രി വീണാ ജോര്ജ് പറഞ്ഞു.അസിസ്റ്റന്റ് ഭക്ഷ്യസുരക്ഷാ കമ്മീഷണര്മാരുടെ നേതൃത്വത്തില് പ്രത്യേക സ്ക്വാഡുകളാണ് പരിശോധനകള് നടത്തിയത്.
കൊല്ലം ജില്ലയില് നിന്നാണ്ഏറ്റവുമധികം വ്യാജ വെളിച്ചെണ്ണ പിടിച്ചെടുത്തത് . കേര സൂര്യ, കേര ഹരിതം ബ്രാന്ഡ് ഉള്പ്പടെ 9337 ലിറ്റര് വെളിച്ചെണ്ണയാണ് കൊല്ലം ജില്ലയില് നിന്ന് മാത്രമായി പിടികൂടിയത്.ഏറ്റവും കൂടുതല് വ്യാജ വെളിച്ചെണ്ണ പിടിച്ചെടുത്തതില് രണ്ടാം സ്ഥാനം ആലപ്പുഴയ്ക്കാണ്.
