കാസര്കോട് : കൊലക്കേസ് പ്രതിയുടെ മകനെ ക്ഷേത്രക്കുളത്തില് മരിച്ച നിലയില് കണ്ടെത്തി.റോയി ജോസഫ് കൊലക്കേസ് പ്രതി നരേന്ദ്രന്റെ മകന് കാശിനാഥനെ (17) ആണ് കാഞ്ഞങ്ങാട് പുല്ലൂരിലെ ക്ഷേത്രക്കുളത്തില് മരിച്ച നിലയില് കണ്ടെത്തിയത്.
വെളളിയാഴ്ച വൈകിട്ട് ഏഴ് മണിയോടെ സുഹൃത്തുക്കളോടൊപ്പം കുളിക്കാനെത്തിയ കാശിനാഥനെ പിന്നീട് കാണാതായി. തുടര്ന്നുളള തിരച്ചിലിലാണ് മൃതദേഹം കുളത്തില് കണ്ടെത്തിയത്.
പ്ലസ് വണ് വിദ്യാര്ഥിയായാണ് കാശിനാഥന്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. കാശിനാഥന്റെ പിതാവ് നരേന്ദ്രനെ കഴിഞ്ഞ ദിവസം പൊലീസ് കൊലപാതകക്കേസില് അറസ്റ്റ് ചെയ്തിരുന്നു. ഇതിലുള്ള മനോവിഷമമാണ് ആത്മഹത്യയിലേക്ക് നയിച്ചതെന്നാണ് പ്രാഥമിക വിവരം.
സുഹൃത്തുക്കള് കുളി കഴിഞ്ഞ പോയതിന് ശേഷം ക്ഷേത്രക്കുളത്തിന് സമീപം കാശിനാഥന്റെ ചെരിപ്പും മുണ്ടും കണ്ടെത്തിയതിനെ തുടര്ന്ന് നാട്ടുകാരും പൊലീസും ചേര്ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്.
