ന്യൂദൽഹി : ദൽഹിയിലെ നിസാമുദ്ദീനിൽ വാഹന പാർക്കിംഗ് തർക്കത്തിനിടെ ബോളിവുഡ് നടി ഹുമ ഖുറേഷിയുടെ കസിൻ സഹോദരൻ കൊല്ലപ്പെട്ടു. വ്യാഴാഴ്ച രാത്രി 11 മണിയോടെ നിസാമുദ്ദീനിലെ ജങ്പുര ഭോഗൽ ലെയ്നിലാണ് സംഭവം നടന്നതെന്ന് പോലീസ് പറഞ്ഞു.
സ്‌കൂട്ടി പാർക്ക് ചെയ്യുന്നതിനെച്ചൊല്ലിയുണ്ടായ ചെറിയ തർക്കം രൂക്ഷമായതായും പ്രതി ഹുമ ഖുറേഷിയുടെ ബന്ധു കൊല്ലപ്പെട്ടതായിട്ടാണ് പോലീസ് നൽകിയ വിവരം. വീടിന്റെ പ്രധാന ഗേറ്റിന് മുന്നിൽ ഇരുചക്ര വാഹനം പാർക്ക് ചെയ്യുന്നതിനെച്ചൊല്ലി ആസിഫും ഏതാനും യുവാക്കളും തമ്മിൽ തർക്കമുണ്ടായതായും തുടർന്ന് പ്രതികൾ മൂർച്ചയുള്ള ആയുധങ്ങൾ ഉപയോഗിച്ച് ആക്രമിച്ചതായും പോലീസ് പറഞ്ഞു. ആക്രമണത്തിന് ശേഷം ഗുരുതരാവസ്ഥയിൽ അടുത്തുള്ള ആശുപത്രിയിലേക്ക് കൊണ്ടുപോയെങ്കിലും ഡോക്ടർമാർ മരിച്ചതായി സ്ഥിരീകരിച്ചു.
അതേ സമയം സംഭവത്തിൽ കേസ് രജിസ്റ്റർ ചെയ്ത പോലീസ് രണ്ട് പ്രതികളെ അറസ്റ്റ് ചെയ്തു. മറ്റ് പ്രതികൾക്കായി അന്വേഷണം ആരംഭിച്ചിട്ടുണ്ട്.
