ബംഗളൂരു: കര്‍ണാടകയില്‍ മലയാളി കോളേജ് വിദ്യാര്‍ഥിനിയെ പീഡിപ്പിച്ച സംഭവത്തില്‍ കോഴിക്കോട് സ്വദേശി അഷ്റഫ് അറസ്റ്റില്‍.
സോളദേവനഹള്ളിയിലാണ് സംഭവം.അഷ്റഫിന്റെ ഉടമസ്ഥതയിലുള്ള വീട്ടിലാണ് സ്വകാര്യ കോളേജില്‍ പഠിക്കുന്ന ബിരുദ വിദ്യാര്‍ത്ഥിനി പെയിംഗ് ഗസ്റ്റായി താമസിച്ചിരുന്നത്.പത്ത് ദിവസം മുമ്പാണ് അഷ്റഫിന്റെ വീട്ടില്‍ താന്‍ താമസം തുടങ്ങിയതെന്ന് വിദ്യാര്‍ഥിനി നല്‍കിയ പരാതിയില്‍ പറയുന്നു.
ശനിയാഴ്ച രാത്രി അഷ്റഫ് തന്റെ മുറിയില്‍ വന്നിട്ട് ,സഹകരിച്ചാല്‍ മാത്രമേ ഭക്ഷണവും താമസവും അനുവദിക്കൂ എന്ന് പറഞ്ഞു.എന്നാല്‍ താന്‍ വിസമ്മതിച്ചപ്പോള്‍ അഷ്റഫ് തന്നെ വലിച്ചിഴച്ച് കാറില്‍ കയറ്റി ഒരു മുറിയിലേക്ക് കൊണ്ടുപോയി ലൈംഗികമായി പീഡിപ്പിക്കുകയുമായിരുന്നുവെന്നാണ് പെണ്‍കുട്ടി പറയുന്നത്.പുലര്‍ച്ചെ 2.15ഓടെ ഇയാള്‍ താമസിക്കുന്നിടത്ത് തന്നെ ഇറക്കിവിട്ടു. പരാതിയുടെ അടിസ്ഥാനത്തില്‍ അഷ്‌റഫിനെ പൊലീസ് അറസ്റ്റ് ചെയ്തു. സംഭവത്തില്‍ കൂടുതല്‍ അന്വേഷണം നടന്നുവരുന്നു.
