കൊൽക്കത്ത : അഖില ഭാരതീയ വിദ്യാർത്ഥി പരിഷത്തിന്റെ ദ്വിദിന കേന്ദ്ര പ്രവർത്തക സമിതി യോഗം പശ്ചിമബംഗാളിലെ സിലിഗുരിയിൽ ശനിയാഴ്ച ആരംഭിച്ചു.
എബിവിപി ദേശീയ അധ്യക്ഷൻ പ്രൊഫ രാജ് ശരൺ ഷാഹി, ദേശീയ ജനറൽ സെക്രട്ടറി ഡോ വീരേന്ദ്ര സിംഗ് സോളങ്കി ദേശീയ സംഘടന സെക്രട്ടറി ശ്രീ ആശിഷ് ചൗഹാൻ എന്നിവർ വിദ്യ ദേവത സരസ്വതി മാതാവിന്റെയും വിശ്വഗുരു വിവേകാനന്ദന്റെയും ഛായാചിത്രങ്ങൾക്ക് മുന്നിൽ ഭദ്രദീപം കൊളുത്തിയാണ് പ്രവർത്തക സമിതി യോഗം ഉദ്ഘാടനം ചെയ്തത്. രാജ്യത്തിന്റെ വിവിധ ഭാഗങ്ങളിൽ നിന്നുമുള്ള പ്രവർത്തകർ യോഗത്തിൽ പങ്കെടുക്കുന്നതിനായി എത്തിച്ചേർന്നിട്ടുണ്ട്.
സംഘടന പ്രവർത്തനങ്ങളുടെ സമഗ്രമായ അവലോകനവും വരുംകാല കർമ്മ പദ്ധതി രൂപീകരണവും യോഗത്തിന്റെ മുഖ്യ അജണ്ടയാണ്. സമകാലിക സാമൂഹിക സാംസ്കാരിക രാഷ്ട്രീയ സാഹചര്യവും വിദ്യാഭ്യാസ രംഗത്തിന്റെ പുരോഗതി ഉറപ്പുവരുത്തുന്നതിന് അനിവാര്യമായി നടപ്പിലാക്കേണ്ട പദ്ധതികളെക്കുറിച്ചും യോഗത്തിന്റെ ആദ്യ ദിനമായ ശനിയാഴ്ച ചർച്ചയായി.
