തിരുവനന്തപുരം:സപ്ളൈകോ ഓണച്ചന്തകള് ആഗസ്റ്റ് 25 മുതല് ആരംഭിക്കുമെന്ന് ഭക്ഷ്യ വകുപ്പ് മന്ത്രി ജി ആര് അനില്. എല്ലാ നിയോജകമണ്ഡലങ്ങളിലും സഞ്ചരിക്കുന്ന ഓണ ചന്തകളായിരിക്കും ഉണ്ടാകുക.
ഓണച്ചന്തയില് ന്യായവിലയ്ക്കുള്ള നിത്യ ഉപയോഗ സാധനങ്ങള് ലഭ്യമാകും.സബ്സിഡി നിരക്കില് 15 കിലോ അരി 10 രൂപ നിരക്കില് നല്കും.സബ്സിഡി വെളിച്ചെണ്ണ ലിറ്ററിന് 349 രൂപയും വെളിച്ചെണ്ണ അര ലിറ്റര് പാക്കറ്റ് 179 രൂപയ്ക്കും ലഭ്യമാക്കും.മഞ്ഞ കാര്ഡുകാര്ക്ക് ഒരു കിലോ പഞ്ചസാരയും സപ്ലൈകോ ഓണച്ചന്തകള് വഴി ലഭിക്കുമെന്ന് മന്ത്രി ജി ആര് അനില് വാര്ത്താ സമ്മേളനത്തില് പറഞ്ഞു.
എ എ വൈ കാര്ഡുകാര്ക്കും ക്ഷേമ സ്ഥാപനങ്ങള്ക്കും ഇക്കുറി ഓണക്കിറ്റുകള് നല്കും.15 ഇനം സാധനങ്ങള് ഉള്പ്പെട്ട ആറ് ലക്ഷത്തിലധികം ഓണക്കിറ്റുകളാണ് നല്കുന്നത് .ആഗസ്റ്റ് 18 മുതല് സെപ്തംബര് നാലുവരെയാണ് കിറ്റ് വിതരണം ചെയ്യാന് ഉദ്ദേശിക്കുന്നത്
കൃത്യമായ വിപണി ഇടപെടലിലൂടെ ഓണക്കാലത്ത് ആവശ്യസാധനങ്ങളുടെ വിലക്കറവ് ഉറപ്പാക്കുന്നതിന് സപ്ലൈകോ നടപടി സ്വീകരിക്കുമെന്നും മന്ത്രി പറഞ്ഞു. എല്ലാ ജില്ലാ കേന്ദ്രങ്ങളിലും 10 ദിവസം നീണ്ടുനില്ക്കുന്ന ഓണം മെഗാ ഫെയറുകളും 140 നിയമസഭാ മണ്ഡലങ്ങളില് അഞ്ചുദിവസം നീണ്ടുനില്ക്കുന്ന ഫെയറുകളും സപ്ലൈകോ സംഘടിപ്പിക്കും.
വെളിച്ചെണ്ണയ്ക്ക് വില ഉയര്ന്ന സാഹചര്യത്തില്, ശബരി ബ്രാന്ഡ് സബ്സിഡിയായും നോണ് സബ്സിഡിയായും വെളിച്ചെണ്ണ വിതരണം ചെയ്യും, സബ്സിഡി വെളിച്ചെണ്ണ ലിറ്ററിന് 349 രൂപയും പാക്കറ്റിന് 179 രൂപയ്ക്കും ലഭ്യമാകും. സബ്സിഡി ഇല്ലാത്ത വെളിച്ചെണ്ണയ്ക്ക് 429 രൂപ ആയിരിക്കും
