നമ്മുടെ പ്രിയപ്പെട്ട ശുഭാംശു ശുക്ലയുടെ ബഹിരാകാശ യാത്ര രാജ്യത്തിനാ
കെ അഭിമാനമായി. ശുഭാംശു വിന്റെ യാത്രയില് ഓരോ ഭാരതീയനും അഭിമാനിക്കുന്നു. ശുഭാംശു ദൗത്യം പൂര്ത്തിയാക്കി സുരക്ഷിതമായി ഭൂമിയില് തിരിച്ചിറ ങ്ങിയപ്പോള് ജനങ്ങളെല്ലാം അതിയായി ആഹ്ലാദിച്ചു. ഓരോ ഹൃദയത്തിലും സന്തോഷം അലയടിച്ചു. രാജ്യം മുഴുവന് അഭിമാനത്താല് നിറഞ്ഞു. 2023 ആഗസ്തില് ചന്ദ്രയാന് മൂന്ന് വിജയകരമായി ലാന്ഡിംഗ് പൂര്ത്തിയാ ക്കിയപ്പോള് രാജ്യത്ത് ഒരു പുതിയ അന്തരീക്ഷം രൂപപ്പെട്ടു. ശാസ്ത്രത്തെക്കുറിച്ചും ബഹിരാകാശത്തെക്കുറച്ചും കുട്ടികളില് ഒരു പുതിയ ജിജ്ഞാസ രൂപപ്പെട്ടു. ചെറിയ കുട്ടികള് ഇപ്പോള് ഞങ്ങള്ക്കും ബഹിരാകാശത്ത് പോകണം, ചന്ദ്രനില് ഇറങ്ങണം, ബഹിരാകാശ ശാസ്ത്രജ്ഞന് ആകണമെന്നൊക്കെ പറയുന്നു.
കുട്ടികളുടെ കണ്ടുപിടിത്തങ്ങളെ പ്രോത്സാഹിപ്പിക്കുന്ന ഇന്സ്പെയര് – മാനക് പദ്ധതി ഏറെ പ്രധാനപ്പെട്ടതാണ്. ഓരോ സ്കൂളില് നിന്നും അഞ്ച് കുട്ടികളെ തെരഞ്ഞെടുക്കുന്നു. ഓരോ കുട്ടിയും ഓരോ പുതിയ ആശയം അവതരിപ്പിക്കുന്നു. ഇതുവരെ, ലക്ഷക്കണക്കിന് കുട്ടികള് ഈ പദ്ധതിയുടെ ഭാഗമായിട്ടുണ്ട്. ചന്ദ്രയാന് മൂന്നിനുശേഷം പദ്ധതിയിലേക്കുള്ള കുട്ടികളുടെ പങ്കാളിത്തം ഇരട്ടിയായി. രാജ്യത്ത് സ്പേസ് സ്റ്റാര്ട്ടപ്പുകളും അതിവേഗം വളരുകയാണ്. അഞ്ച് വര്ഷം മുമ്പ്, 50ല് താഴെ സ്റ്റാര്ട്ടപ്പുകള് മാത്രമേ ഉണ്ടായിരു ന്നുള്ളൂ. ഇന്ന് സ്പേസ് സെക്ടറില്മാത്രം 200 ലധികം സ്റ്റാര്ട്ടപ്പുകള് ഉണ്ട്. ആഗസ്ത് 23ന് നാഷണല് സ്പേസ് ഡേ ആണ്. ആ ദിവസം എങ്ങനെ ആഘോഷിക്കും എന്നതിനെക്കുറിച്ചുള്ള ആശയങ്ങള് നമോ ആപ്പില് അയക്കണം.
ഇന്റര്നാഷണല് കെമിസ്ട്രി ഒളിമ്പ്യാഡില് മെഡലുകള് നേടിയ ദേവേഷ് പങ്കജ്, സന്ദീപ് കുച്ചി, ദെബ്ദത്ത് പ്രിയദര്ശി, ഉജ്ജ്വല് കേസരി എന്നിവര് ഭാരതത്തിന്റെ യശസ്സ് ഉയര്ത്തി. ഇന്റര്നാഷണല് മാത്തമാറ്റിക്കല് ഒളിമ്പ്യാഡില് ഭാരതത്തെ പ്രതിനിധീകരിച്ചവരും വിവിധ മെഡലുകള് നേടി. അടുത്ത മാസം മുംബൈയില് നടക്കുന്ന ആസ്ട്രോണമി ആന്ഡ് ആസ്ട്രോഫിസിക്സ് ഒളിമ്പ്യാഡില് അറുപതിലധികം രാജ്യങ്ങളില് നിന്നുള്ള വിദ്യാര്ത്ഥികളും ശാസ്ത്രജ്ഞരും പങ്കെടുക്കും. ഇത്തരത്തിലുള്ള ഏറ്റവും വലിയ ഒളിമ്പ്യാഡ് ആയിരിക്കും. ഭാരതം ഒളിമ്പിക്സിലും ഒളിമ്പ്യാഡിലും ഒരുപോലെ മുന്നോട്ട് കുതിക്കുകയാണ്.
യുനെസ്കോ മഹാരാഷ്ട്രയിലെ പതിനൊന്ന് കോട്ടകളും തമിഴ്നാട്ടിലെ ഒരു കോട്ടയും വേള്ഡ് ഹെറിറ്റേജ് സൈറ്റായി അംഗീ കരിച്ചതില് അഭിമാനം തോന്നുന്നു. രാജ്യത്തെ കോട്ടകള് നമ്മുടെ സംസ്കാരത്തിന്റെ പ്രതീകങ്ങളാണ്. സംസ്കാരവും സ്വാഭിമാനവും, ഇന്നും ഈ കോട്ടകളുടെ ഉയരമുള്ള മതിലുകളെ കവിഞ്ഞൊഴുകുന്നു.
