ക്ഷിപ്രകോപിയാണ് ഭഗവാന്‍ ശിവന്. അതുപോലെ തന്നെ ക്ഷിപ്രപ്രസാദിയും ആണ് ഭഗവാന്‍. സര്‍വ്വ ഗ്രഹങ്ങളുടേയും നക്ഷത്രങ്ങളുടേയും നാഥനാണ് ഭഗവാൻ പരമശിവൻ. അതുകൊണ്ട് തന്നെ ശിവനെ ആരാധിച്ചാൽ തീരാത്ത ദുരിതങ്ങളില്ല എന്ന് വിശ്വസിക്കുന്നു.
ശിവന് വളരെ പ്രിയപ്പെട്ട മാസമാണ് സാവൻ മാസം . എല്ലാ ദിവസവും ഉത്തരേന്ത്യക്കാർ ശിവനെ ആരാധിക്കുന്നുവെങ്കിലും സാവൻ മാസത്തിൽ പ്രത്യേക പൂജകളും ഉണ്ടാകും . ബോളിവുഡിൽ ശിവഭക്തരായ നിരവധി സെലിബ്രിറ്റികളുണ്ട്. അവരിൽ ഒന്നാമനാണ് പ്രശസ്ത നടൻ ടൈഗർ ഷ്രോഫ്. കുട്ടിക്കാലം മുതൽ ഭോലെ ബാബയുടെ ഭക്തനാണ് ടൈഗർ. എല്ലാ തിങ്കളാഴ്ചയും ശിവനുവേണ്ടി വ്രതം അനുഷ്ഠിക്കുന്ന ഭക്തനാണ് ടൈഗർ.
മുതിർന്ന നടൻ ജാക്കി ഷ്രോഫിന്റെ മകനായ ടൈഗർ പിതാവിന്റെ പാത പിന്തുടർന്നാണ് ബോളിവുഡിൽ എത്തിയത്. പലപ്പോഴും ശിവക്ഷേത്രങ്ങളിൽ എത്താറുള്ള ടൈഗർ ഷ്രോഫ് ധാര അടക്കമുള്ള പൂജകളിലും പങ്കെടുക്കാറുണ്ട്. ഇപ്പോൾ തിരക്കേറിയ ഷെഡ്യൂൾ കാരണം, ഉപവസിക്കാൻ ബുദ്ധുമുട്ടുണ്ടെന്നും അദ്ദേഹം പറയുന്നു.
ശിവപ്രീതി ഉള്ള ദിവമായതിനാൽ തിങ്കളാഴ്ച്ച മാത്രമേ പുതിയ ജോലിയോ പുതിയ പദ്ധതിയോ ആരംഭിക്കാറുള്ളൂവെന്നും ടൈഗർ ഷ്രോഫ് അഭിമുഖങ്ങളിൽ പറഞ്ഞിരുന്നു.
