തിരുവനന്തപുരം: സംസ്ഥാനത്ത് ക്ഷേമ പെന്‍ഷന്‍ വിതരണത്തിന് പണം അനുവദിച്ച് സര്‍ക്കാര്‍ ഉത്തരവ് ഇറങ്ങി. 860 കോടി രൂപയിലേറെയാണ് പെന്‍ഷന്‍ നല്‍കാനായി അനുവദിച്ചത്.
61 ലക്ഷത്തോളം വരുന്ന ഗുണഭോക്താക്കള്‍ക്ക് തുക വരും ദിവസങ്ങളില്‍ ലഭിക്കും.1600 രൂപ വീതമാണ് പെന്‍ഷന്‍ ലഭിക്കുന്നത്.
ബാങ്ക് അക്കൗണ്ടില്‍ പെന്‍ഷന്‍ ലഭിക്കുന്നവര്‍ക്ക് വെളളിയാഴ്ചയോ ശനിയാഴ്ചയോ പെന്‍ഷന്‍ ലഭിക്കും. സഹകരണ ബാങ്ക് ഏജന്റുമാര്‍ വഴി നേരിട്ട് പെന്‍ഷന്‍ വാങ്ങുന്നവര്‍ക്ക് തുടര്‍ന്നുള്ള ദിവസങ്ങളിലായി പെന്‍ഷന്‍ ലഭിക്കും. ധനമന്ത്രിയുടെ ഓഫീസ് ആണ് ഇക്കാര്യം അറിയിച്ചത്. ഇനി രണ്ടു മാസത്തെ പെന്‍ഷന്‍ ആണ് കുടിശികയുള്ളത്.
