ന്യൂദല്ഹി: യോഗ ദിനാചരണത്തിലെ പ്രധാന പരിപാടിയായ യോഗ സംഗമത്തിനുള്ള രജിസ്ട്രേഷന് അഞ്ചു ലക്ഷം കടന്നു. 5,15,251 രജിസ്ട്രേഷന് പൂര്ത്തിയായി. 1,56,097 രജിസ്ട്രേഷനുമായി രാജസ്ഥാനാണ് ഒന്നാമത്. 79,097 രജിസ്ട്രേഷനോടെ ആന്ധ്രപ്രദേശ് രണ്ടാമതും 38,076 രജിസ്ട്രേഷനോടെ ഉത്തര്പ്രദേശ് മൂന്നാമതുമാണ്. മധ്യപ്രദേശ് 35,389, ആസാം 20,545, ഗുജറാത്ത് 17,722, മഹാരാഷ്ട്ര 16,379 സംസ്ഥാനങ്ങള് പിന്നാലെയുണ്ട്.
ജമ്മുകശ്മീര്, ഛത്തീസ്ഗഡ്, ഹിമാചല്പ്രദേശ്, ബീഹാര്, ഝാര്ഖണ്ഡ്, പഞ്ചാബ്, ഒഡീഷ, തെലങ്കാന, തമിഴ്നാട്, കര്ണാടക, ഹരിയാന എന്നിവ 18 വരെ സ്ഥാനങ്ങളിലാണ്. 5741 രജിസ്ട്രേഷനുമായി കേരളം 19-ാം സ്ഥാനത്തുണ്ട്. സ്ഥാപനങ്ങള്, സംഘടനകള്, ഗ്രൂപ്പുകള് എന്നിവയ്ക്കു യോഗ സംഗമത്തില് പങ്കെടുക്കാം. രജിസ്റ്റര് ചെയ്യുന്നതിന് tthps://yoga.ayush. gov.in/yogasangam സന്ദര്ശിക്കുക.
പ്രധാനമന്ത്രി നരേന്ദ്ര മോദിയുടെ ആഹ്വാനത്തെ തുടര്ന്ന് 2014ല് ആണ് ഐക്യരാഷ്ട്ര പൊതുസഭ ജൂണ് 21 അന്താരാഷ്ട്ര യോഗ ദിനമായി അംഗീകരിച്ചത്. തുടര്ന്ന് 2015 മുതല് ജൂണ് 21 അന്താരാഷ്ട്ര യോഗ ദിനമായി ആചരിക്കുന്നു.
