തൃശൂര്: മോഷണ ശ്രമത്തിനിടെ വിശന്നപ്പോള് ഹോട്ടലില് നിന്ന് ഭക്ഷണം ചൂടാക്കി കഴിക്കാന് ശ്രമിച്ചയാള് പൊലീസ് പിടിയില്. മാര്ത്താണ്ഡം സ്വദേശി ശിവകുമാറിനെയാണ് പിടികൂടിയത്.
കല്മണ്ഡപത്തിലെ ഒരു ഹോട്ടലിലായിരുന്നു ഇയാള് മോഷണത്തിന് ശ്രമിച്ചത്. കഴിഞ്ഞ മാസമായിരുന്നു സംഭവം . ഇയാള് അടുക്കളയില് കയറുന്നതും ഭക്ഷണം ചൂടാക്കി കഴിക്കാന് ശ്രമിക്കുന്നതും ഹോട്ടലിലെ സിസിടിവി ദൃശ്യങ്ങളില്പതിഞ്ഞിരുന്നു.
സിസിടിവി പിന്നീടാണ് ഇയാളുടെ ശ്രദ്ധയില്പ്പെട്ടത്. ഇതോടെ ഇയാള് ഓടി രക്ഷപ്പെട്ടു.പൊലീസ് നടത്തിയ അന്വേഷണത്തില് തമിഴ്നാട് മാര്ത്താണ്ഡം സ്വദേശി ശിവകുമാര് എന്ന അനീഷാണ് ഹോട്ടലില് കയറി മോഷണ ശ്രമം നടത്തിയതെന്ന് വ്യക്തമായി. ഇയാളെ തൃശൂരില് നിന്ന് പൊലീസ് അറസ്റ്റ് ചെയ്തു.
