കൊച്ചി: ആലപ്പുഴയിലും എറണാകുളത്തും കടല് തീരത്ത് അടിഞ്ഞ വാതക കണ്ടെയ്നറുകള് കൊച്ചി തീരത്ത് തിപീടിച്ച സിംഗപ്പുര് കപ്പല് വാന് ഹയില് നിന്നുളളതെന്ന് നിഗമനം. അമ്പലപ്പുഴ നോര്ത്ത് പഞ്ചായത്തിലെ വളഞ്ഞവഴി- കാക്കാഴം തീരത്തും എറണാകുളം ചെല്ലാനം തീരത്തുമാണ് കണ്ടെയ്നറുകള് അടിഞ്ഞത്.
അമ്പലപ്പുഴയില് അടിഞ്ഞ വാതക കണ്ടെയ്നറില് 22കെഎക്സ് എന്ന് എഴുതിയിട്ടുണ്ട്. കണ്ടെയ്നര് തീരത്തടിഞ്ഞതോടെ വളഞ്ഞവഴി -കാക്കാഴം കടപ്പുറത്ത് നാട്ടുകാര് തടിച്ചുകൂടുകയും വിവരമറിഞ്ഞ് പൊലീസും റവന്യു ഉദ്യോഗസ്ഥരും സ്ഥലത്തെത്തുകയും ചെയ്തു. ടാങ്കര് കാലിയാണെന്ന് ദുരന്തനിവാരണ അതോറിറ്റി അറിയിച്ചു.
നേരത്തെ ചരക്കുകപ്പലില്നിന്നും ലൈഫ്ബോട്ടും ആലപ്പുഴ തീരത്ത് അടിഞ്ഞിരുന്നു. ലൈഫ് ബോട്ട് തീരത്തിനു സമീപം മരത്തില് കെട്ടിയിട്ടിട്ടു.
