നെതന്യാഹു ഒളിച്ചോടില്ല..അതാണ് ത്യാഗം നിറഞ്ഞ ആ കുടുംബം…മീഡിയ വണ്ണിനെതിരെ ആഞ്ഞടിച്ച് ഇസ്രയേലിലെ മലയാളിയായ ജിബി

ടെല്‍ അവീവ്: ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു ഇസ്രയേല്‍ വിട്ട് ഗ്രീസിലേക്ക് ഓടിപ്പോയി എന്ന വാര്‍ത്ത നല്‍കിയ മീഡിയ വണ്‍ ചാനലിന് എതിരെ ആഞ്ഞടിച്ച് ഇസ്രയേലില്‍ ജോലി ചെയ്യുന്ന മലയാളിയായ ജിബി. ഇത്തരമൊരു കള്ളവാര്‍ത്ത രാജ്യത്തിന് വേണ്ടി ജീവന്‍ ബലിയര്‍പ്പിക്കാന്‍ തയ്യാറായ ബെഞ്ചമിന്‍ നെതന്യാഹുവിനെതിരെ പ്രചരിപ്പിച്ചത് മനസാക്ഷിക്ക് നിരക്കാത്തതാണെന്നും ജിബി പറയുന്നു.

കാരണം 1976ല്‍ ബന്ദികളായി പിടിക്കപ്പെട്ട 102 ഇസ്രയേലികളെ രക്ഷിക്കാനായുള്ള ഓപ്പറേഷന്‍ എന്റെബ്ബെയില്‍ പങ്കെടുത്ത് ജീവന്‍ ബലിയര്‍പ്പിച്ച വ്യക്തിയാണ് ബെഞ്ചമിന്‍ നേതന്യാഹുവിന്റെ ജ്യേഷ്ഠന്‍ യൊനി നെതന്യാഹു(യൊനാഥന്‍ നെതന്യാഹു എന്ന് മുഴുവന്‍ പേര്). ഇസ്രയേലിന്റെ തന്നെ യുദ്ധഹീറോ ആയാണ് ഇദ്ദേഹത്തെ കണക്കാക്കുന്നത്. ഇസ്രയേലി ബന്ദികളായ 102 പേരെയും രക്ഷപ്പെടുത്താന്‍ കഴിഞ്ഞെങ്കിലും ആ രക്ഷാദൗത്യത്തില്‍ പട്ടാളക്കാരനായ ബെഞ്ചമിന്‍ നെതന്യാഹുവിന്റെ സഹോദരന്‍ യൊനി നെതന്യാഹു മരിച്ചത്.

ഉഗാണ്ടയിലെ എന്‍ബെയില്‍ ഇസ്രയേലിന്റെ വിമാനം പലസ്തീനിലെ ഒരു ഭീകരസംഘടനയുടെ പ്രവര്‍ത്തകരും ജര്‍മ്മനിയിലെ ഒരു ഭീകരസംഘടനയും ചേര്‍ന്ന് തട്ടിക്കൊണ്ടുപോവുകയായിരുന്നു. ഈ വിമാനം ഭീകരര്‍ ഇറക്കിയത് ഉഗാണ്ടയിലെ എന്‍റബെയില്‍ ആണ്. അന്ന് ഉഗാണ്ട ഭരിച്ചിരുന്നത് ഈദി അമീന്‍ എന്ന ഏകാധിപതി. ഈദി അമീനും പലസ്തീന്‍ അനുകൂലിയാണ്. ഈ വിമാനത്തിലെ യാത്രക്കാരായിരുന്ന 102 ഇസ്രയേലികളെയാണ് ഭീകരര്‍ ബന്ദികളാക്കിയത്. കൂസലില്ലാതെ ഇസ്രയേലിന്റെ പ്രത്യേക സൈനികര്‍ പുറപ്പെട്ടു. ഇതില്‍ ബെഞ്ചമിന്‍ നെതന്യാഹുവിന്റെ ജ്യേഷ്ഠന്‍ യൊനി നെതന്യാഹുവും ഉണ്ടായിരുന്നു. ഉഗാണ്ടിലേക്ക് നാല് വിമാനങ്ങളിലായി പുറപ്പെട്ട ഇസ്രയേല്‍ സൈനിക സംഘം മുഴുവന്‍ ഭീകരരേയും വധിച്ച് 102 ഇസ്രയേലികളെയും മോചിപ്പിച്ചു. പക്ഷെ ഈ ആക്ഷനില്‍ യൊനി നെതന്യാഹു കൊല്ലപ്പെട്ടു.

അങ്ങിനെയുള്ള ഒരു കുടുംബത്തില്‍ നിന്നും വരുന്ന നെതന്യാഹു യുദ്ധക്കളത്തില്‍ മരണം വരിക്കുകയല്ലാതെ ഒരിയ്‌ക്കലും ഒളിച്ചോടുകയില്ല എന്ന ഇസ്രയേലികള്‍ക്ക് അറിയാം. മുഴുവന്‍ ഇസ്രയേലികളുടെയും ആത്മാഭിമാനത്തെയാണ് മീഡിയ വണ്‍ ചാനല്‍ ചോദ്യം ചെയ്തതെന്നും ജിബി പറയുന്നു. ഈ വ്യാജവാര്‍ത്ത കേട്ട് കേരളത്തില്‍ നിന്നും വീട്ടുകാര്‍ അവരുടെ ഇസ്രയേലിലുള്ള മക്കളോട് രാജ്യത്തിന്റെ നാഥന്‍ ഇല്ലാത്ത ഇസ്രയേലില്‍ നിന്നും ഓടിപ്പോരൂ എന്നാണ് ഫോണില്‍ വിളിച്ചുപറയുന്നതെന്നും ജിബി പറയുന്നു. ഇസ്രയേലിന്റെയും ബെ‍‌ഞ്ചമിന്‍ നെതന്യാഹുവിന്റെയും കുടുംബചരിത്രമറിയുന്നവര്‍, ഇസ്രയേലിന്റെ ചരിത്രമറിയുന്നവര്‍ ഇത്ര വിലകുറഞ്ഞ ഒരു നുണവാര്‍ത്ത സൃഷ്ടിക്കില്ലെന്നാണ് ജിബി വിമര്‍ശിക്കുന്നത്. ഇറാന്‍രെ ആക്രമണം പേടിച്ച് ബെഞ്ചമിന്‍ നെതന്യാഹു ഗ്രീസിലെ ഏതന്‍സിലേക്ക് ഓടിപ്പോയി എന്നാണ് മീഡിയ വണ്ണിലെ ഒരു മാധ്യമപ്രവര്‍ത്തകന്‍ പറഞ്ഞത്.

നേരത്തെ മീഡിയ വണ്ണിന്റെ ഈ വ്യാജവാര്‍ത്തയെ ശ്രീജിത് പണിക്കരും വിമര്‍ശിച്ചിരുന്നു:

ബാക്കി ആളുകൾ മരിച്ചോട്ടെ എന്നുകരുതി, തന്റെ തടി സലാമത്താക്കിയ ബെഞ്ചമിൻ നെതന്യാഹു ഇപ്പോൾ ഗ്രീസിലെ ആതൻസിലാണ് ഉള്ളതെന്ന് മീഡിയാ വണ്ണിലെ ഈ അഖിലലോക വിദേശകാര്യ വിദഗ്‌ദ്ധൻ പറഞ്ഞ് നാവ് വായിലേക്കിട്ടതും അതാ നെതന്യാഹു ഇസ്രായേലിൽ ടെൽ അവീവിന് തെക്ക് ബാറ്റ് യാം എന്ന സ്ഥലത്ത് നിൽക്കുന്നു. തികഞ്ഞ… pic.twitter.com/oCQYq5moj8

— Sreejith Panickar (@PanickarS) June 16, 2025