തൃശൂര്:എരുമപ്പെട്ടിയില് കാറുകള് കൂട്ടിയിടിച്ച് കുട്ടികള് ഉള്പ്പടെ ഏഴ് പേര്ക്ക് പരിക്ക്. നിയന്ത്രണം വിട്ട കാര് എതിര്ദിശയില് വന്ന കാറിലേക്ക് ഇടിച്ചുകയറിയാണ് അപകടം.
പരിക്കേറ്റവരെ കുന്നംകുളം മലങ്കര ആശുപത്രിയില് പ്രവേശിപ്പിച്ചു. ശനിയാഴ്ച വൈകുന്നേരമാണ് അപകടം .ഈസ്റ്റ് ഒറ്റപ്പാലം സ്വദേശികളായ പുത്തന്പീടികയില് ഹക്കീം, സമദ്, ഷൗജത, സുനൈന, ഹിസാന, ഷാഹിദ്, മുഹമ്മദ് സാദിഖ് എന്നിവര്ക്കാണ് പരിക്കേറ്റത്. ഇതില് ഒമ്പത് വയസുളള സുനൈനയുടെ പരിക്ക് സാരമുള്ളതാണ്.
ഒറ്റപ്പാലത്ത് നിന്ന് ചാവക്കാട്ടേയ്ക്ക് പോകുകയായിരുന്ന കാര് നിയന്ത്രണം വിട്ട് എതിരെ വന്നിരുന്ന കാറില് ഇടിച്ച് കയറുകയായിരുന്നു. ആറ്റൂര് സ്വദേശി ഷാഫിയും കുടുംബവുമാണ് ഈ വാഹനത്തില് ഉണ്ടായിരുന്നത്. ഇവര്ക്ക് കാര്യമായ പരിക്കില്ല. ഒറ്റപ്പാലം സ്വദേശികള് സഞ്ചരിച്ചിരുന്ന കാറിന് സാരമായ കേടുപാടുണ്ടായിട്ടുണ്ട്.
