ലക്നൗ : 12000 അടി ഉയരത്തിൽ ഓപ്പറേഷൻ സിന്ദൂറിന്റെ പതാക ഉയർത്താൻ സ്കൈ ഡ്രൈവർ അനാമിക ശർമ്മ . ഓപ്പറേഷൻ സിന്ദൂറിന്റെ വിജയത്തിനുശേഷം, രാജ്യത്തിന്റെ സായുധ സേനയെ പിന്തുണച്ച് രാജ്യമെമ്പാടും വിവിധ പരിപാടികൾ സംഘടിപ്പിക്കുന്നുണ്ട്. ഇതിന്റെ ചുവട് പിടിച്ചാണ് ഓപ്പറേഷൻ സിന്ദൂറിനെ പിന്തുണച്ച് അനാമിക ശർമ്മയും ആകാശ പ്രകടനം നടത്തുന്നത്.
രാജ്യത്തെ ഏറ്റവും പ്രായം കുറഞ്ഞ യുഎസ്പിഎ-ഡി ലൈസൻസ് ഉടമയാണ് അനാമിക. സ്കൈ ഡൈവിംഗ് ഇൻസ്ട്രക്ടറുടെ പദവി രജിസ്റ്റർ ചെയ്ത ഇന്ത്യയിലെ ഏക വനിതയാണ് അവർ . ബാങ്കോക്കിന്റെ ആകാശത്ത് നിന്നാണ് ഓപ്പറേഷൻ സിന്ദൂറിന്റെ പതാകയുമേന്തി ചാടുക .
അനാമിക ശർമ്മയിലൂടെ ഇന്ത്യയുടെ വീര്യം ലോകം കാണും. അനാമിക ശർമ്മ സ്വന്തം ശൈലിയിൽ രാജ്യത്തിന്റെ സൈന്യത്തിന്റെയും ജനങ്ങളുടെയും മനോവീര്യം വർദ്ധിപ്പിക്കാൻ പ്രവർത്തിക്കുന്നുവെന്ന് മുഖ്യമന്ത്രി യോഗി ആദിത്യനാഥ് പറഞ്ഞു .മഹാകുംഭമേളയുടെ പതാക വഹിച്ചുകൊണ്ട് ബാങ്കോക്കിന്റെ ആകാശത്ത് നിന്ന് കുംഭമേളയിലേക്ക് വരാൻ അനാമിക ശർമ്മ ലോകത്തെ മുഴുവൻ ക്ഷണിച്ചിരുന്നു.
