മലപ്പുറം : നിലമ്പൂരിലെ സ്ഥാനാര്ത്ഥിയായി ആര്യാടന് ഷൗക്കത്തിനെ അംഗീകരിച്ചാല് പി വി അന്വറിന് യുഡിഎഫ് അസോസിയേറ്റ് അംഗമാകാമെന്ന് യുഡിഎഫ് യോഗത്തില് തീരുമാനം. തീരുമാനം യു ഡി എഫ് കണ്വീനര് അടൂര് പ്രകാശ് അന്വറിനെ അറിയിച്ചു. അന്വറിന്റെ ഭീഷണികളോട് യോഗത്തില് വിമര്ശനവും ഉയര്ന്നു.
യു.ഡി.എഫ് ഒറ്റക്കെട്ടായാണ് ഈ തീരുമാനമെടുത്തതെന്ന് അടൂര് പ്രകാശ് പറഞ്ഞു.ആര്യാടന് ഷൗക്കത്തിനെതിരെ പറഞ്ഞത് തിരുത്തണമെന്നും അന്വറിനോട് ആവശ്യപ്പെട്ടിട്ടുണ്ട്. പ്രതിപക്ഷ നേതാവിനെ ഒറ്റപ്പെടുത്തുന്നത് അംഗീകരിക്കാന് കഴിയില്ലെന്ന് യുഡിഎഫ് യോഗം തീരുമാനിച്ചു.
അതേസമയം, യു ഡി എഫിലെ സ്ഥിരം അംഗമാകണമെന്നാണ് അന്വറിന്റെ താത്പര്യം. ശനിയാഴ്ച രാവിലെ അദ്ദേഹം മാധ്യമങ്ങളെ കാണും.
