കോട്ടയം: പിണറായി വിജയനെ സമാനതകളില്ലാത്ത ഭരണാധികാരിയെന്നു വാഴ്ത്തി സാംസ്‌കാരിക വകുപ്പ് സെക്രട്ടറിയും വിഴിഞ്ഞം രാജ്യാന്തര തുറമുഖം കമ്പനിയുടെ മാനേജിങ് ഡയറക്ടറുമായ ദിവ്യ എസ്. അയ്യര്‍. അദ്ദേഹത്തെപ്പോലെ അദ്ദേഹം മാത്രമേയുള്ളൂവെന്നും കോണ്‍ഗ്രസ് നേതാവും മുന്‍ എംഎല്‍എയുമായ ശബരീനാഥിന്‌റെ ഭാര്യയുമായ ദിവ്യ ഒരു യൂടൂബ് ചാനലിനു നല്‍കിയ അഭിമുഖത്തില്‍ പറഞ്ഞു.
തുടക്കം മുതല്‍ ഞാന്‍ മുഖ്യമന്ത്രിയുടെ കൂടെയായിരുന്നു പ്രവര്‍ത്തിച്ചുവന്നത്. അന്നുമുതല്‍ ഞാന്‍ കണ്ടുവന്ന പിണറായി വിജയന്‍ താരതമ്യം ചെയ്യാന്‍ പറ്റാത്ത ഒരു ഭരണാധികാരിയാണ് . അദ്ദേഹത്തെപ്പോലെ അദ്ദേഹം മാത്രമേയുള്ളൂ. ഈ കാലഘട്ടത്തില്‍ നാം കണ്ടിട്ടുള്ള ഒരുപാട് പ്രതിസന്ധികളിലൂടെ സര്‍ക്കാരും ജനങ്ങളും കടന്നു പോയിട്ടുണ്ട്. ഈ സമയത്തൊക്കെ ജനങ്ങള്‍ക്കായും ഉദ്യോഗസ്ഥര്‍ക്കായും എത്രമാത്രം ധൈര്യം പകര്‍ന്നിട്ടുണ്ട്, നമ്മള്‍ പറയുന്ന കാര്യങ്ങള്‍ ഉള്‍ക്കൊണ്ടുകൊണ്ട്, അതിനെ മാനിച്ചുകൊണ്ട് അദ്ദേഹം പ്രവര്‍ത്തിച്ചു എന്നത് എനിക്ക് നേരിട്ട് അനുഭവമുണ്ട്. അഭിമുഖത്തില്‍ അവര്‍ പറഞ്ഞു.
