കോണ്‍ഗ്രസ് നേതാക്കളുടെ പ്രസ്താവനകള്‍ പാകിസ്ഥാന്‍കാര്‍ കൊണ്ടാടുന്നു;കോണ്‍ഗ്രസോ പാകിസ്ഥാനോ? ശരിയ്‌ക്കും ഇന്ത്യയുടെ ശത്രുവാരാണ്?

ന്യൂദല്‍ഹി: റഫാല്‍ യുദ്ധവിമാനത്തിന്റെ മിനിയേച്ചര്‍ രൂപത്തില്‍ നാരങ്ങയും പച്ചമുളകും കെട്ടിത്തൂക്കി, ഈ യുദ്ധവിമാനം ഇന്ത്യയ്‌ക്ക് വെറും അലങ്കാരവസ്തുവാണെന്ന അര്‍ത്ഥം വരുന്ന രീതിയില്‍ കളിയാക്കി കോണ്‍ഗ്രസ് നേതാവ് അജയ് റായി. ഉത്തര്‍പ്രദേശിലെ കോണ്‍ഗ്രസ് സംസ്ഥാന അധ്യക്ഷനാണ് അജയ് റായി. ഇപ്പോള്‍ പാകിസ്ഥാനിലെ സമൂഹമാധ്യമങ്ങളില്‍ എല്ലാം അജയ് റായിയുടെ ഈ ചിത്രവും പ്രസ്താവനയും വൈറലായി നിറഞ്ഞോടുകയാണ്.

ഒരു യുദ്ധസാഹചര്യത്തില്‍ ഇന്ത്യയെ പ്രതിരോധത്തിലാക്കാനുള്ള അവസരങ്ങള്‍ പാകിസ്ഥാന് തുറന്നിട്ടുകൊടുക്കുന്നത് കോണ്‍ഗ്രസ് നേതാക്കള്‍ തന്നെ.

पाकिस्तान के समाचार पत्र,चैनल में सुर्ख़ियाँ बटोर रहे पाकिस्तानी परस्त कांग्रेस पार्टी के उत्तरप्रदेश अध्यक्ष अजय राय को देखिए,तथा कांग्रेस पार्टी के मोदी विरोध में सेना के मनोबल को तोड़ने की साज़िश को समझिए । pic.twitter.com/0VZIdLIZNa

— Dr Nishikant Dubey (@nishikant_dubey) May 5, 2025

ഇതിനെതിരെ ബിജെപി ശക്തമായി ആഞ്ഞടിക്കുകയാണ്. “പാകിസ്ഥാന്‍ അനുകൂല കോണ്‍ഗ്രസ് പാര്‍ട്ടിയുടെ യുപിയുടെ അധ്യക്ഷനായ അജയ് റായിയെ നോക്കൂ. പാകിസ്ഥാനിലെ പത്രങ്ങളിലും ചാനലുകളിലും ഇദ്ദേഹത്തിന്റെ പ്രസ്താവന തലക്കെട്ടുകള്‍ സൃഷ്ടിക്കുകയാണ്. സൈന്യത്തിന്റെ ആത്മവീര്യം തകര്‍ക്കാനുള്ള മോദി വിരുദ്ധ കോണ്‍ഗ്രസ് പാര്‍ട്ടിയുടെ നീക്കമാണിത്. “- ബിജെപി നേതാവ് നിഷികാന്ത് ദുബെ വിമര്‍ശിച്ചു.

“തുടര്‍ച്ചയായി ഇന്ത്യയുടെ സായുധസേനയെ കോണ്‍ഗ്രസ് വിമര്‍ശിക്കുന്നത് യാദൃച്ഛികതയല്ല. ഇത് പാകിസ്ഥാനോട് സഹകരിച്ചുകൊണ്ട് നടത്തുന്ന ആക്രമണമാണ്. ഛന്നിയും പ്രിയാങ്ക് ഖാര്‍ഗെയും സുധാകര്‍ സിങ്ങും ഇതു തന്നെയാണ് ചെയ്തത്”.- ബിജെപി വക്താവ് ഷെഹ് സാദ് പൂനവാല പറയുന്നു.

അജയ് റായിയുടെ വിമര്‍ശനം
കേന്ദ്രസര്‍ക്കാര്‍ റഫാല്‍ യുദ്ധജെറ്റ് വാങ്ങിയത് വെറുതെ കാഴ്ചവസ്തുവായി വെയ്‌ക്കാനാണെന്നും അത് കണ്ണുതട്ടാതിരിക്കാനുള്ള ഒരു അലങ്കാരവസ്തു മാത്രമാണെന്നുമായിരുന്നു അജയ് റായിയുടെ വിമര്‍ശനം. ഒരു കളിപ്പാട്ടത്തില്‍ ചെറുനാരങ്ങയും പച്ചമുളകും കോര്‍ത്തുകെട്ടിയ റഫാല്‍ ജെറ്റിന്റെ രൂപത്തിലുള്ള കളിപ്പാട്ടം കാണിച്ചുകൊണ്ടായിരുന്നു അജയ് റായിയുടെ ഈ വിമര്‍ശനം.

166 പേരെ കൊലപ്പെടുത്തിയ 2008ലെ മുംബൈ ഭീകരാക്രമണം ഉണ്ടായപ്പോള്‍ അതിനെതിരെ പാകിസ്ഥാനോട് ചെറുവിരല്‍ അനക്കാത്ത കോണ്‍ഗ്രസുകാരാണ് ഇപ്പോള്‍ വീരവാദമടിക്കുന്നത്. എങ്ങിനെയെങ്കിലും മോദി സര്‍ക്കാരിനെ യുദ്ധത്തിലേക്ക് ഉന്തിത്തള്ളി വിടാന്‍ കോണ്‍ഗ്രസ് നേതാക്കള്‍ കാണിക്കുന്ന വ്യഗ്രത കാണുമ്പോള്‍ ഇതിന് പിന്നില്‍ വലിയൊരു അന്താരാഷ്‌ട്ര ഗൂഢാലോചന ഒളിഞ്ഞിരിപ്പുണ്ടോ എന്നും സര്‍ക്കാരിലെ ഉന്നതര്‍ സംശയിക്കുന്നുണ്ട്. പഹല്‍ ഗാം ആക്രമണത്തിന് പിന്നില്‍ കോണ്‍ഗ്രസിന് ഏതെങ്കിലും തരത്തില്‍ പങ്കുണ്ടോ എന്നും കേന്ദ്രം അന്വേഷിക്കുന്നുണ്ട്.