വയനാട് : മാനന്തവാടി കാട്ടിക്കുളം 54-ല് ബസുകള് കൂട്ടിയിടിച്ച് 38 പേര്ക്ക് പരിക്കേറ്റു.
വൈകുന്നേരം നാലുമണിയോടെയാണ് അപകടം. മൈസൂരിലേക്ക് പോവുകയായിരുന്ന കര്ണാടക എസ് ആര് ടി സി ബസും ബാവലി’യിലേക്ക് വന്ന ടൂറിസ്റ്റ് ബസുമാണ് കൂട്ടിയിടിച്ചത്. രണ്ടു ബസുകളുടെയും മുന്വശം പൂര്ണമായും തകര്ന്നു.ടൂറിസ്റ്റ് ബസിന്റെ മുന്വശത്ത് രണ്ടു കാലുകളും കുടുങ്ങിയ ഡ്രൈവറെ രണ്ട് മണിക്കൂര് പരിശ്രമത്തിനോടുവില് അഗ്നിശമന സേനയും നാട്ടുകാരും പൊലീസും ചേര്ന്ന് പുറത്തെടുത്തു.
38 പേര് മാനന്തവാടി മെഡിക്കല് കോളേജ് ആശുപത്രിയില് ചികിത്സ തേടി. ആരുടെയും പരിക്ക് ഗുരുതരമല്ല.മലപ്പുറം പെരിന്തല്മണ്ണ സ്വദേശികളാണ് ടൂറിസ്റ്റ് ബസില് ഉണ്ടായിരുന്നത്. അപകടത്തെ തുടര്ന്ന് മാനന്തവാടി മൈസൂര് റൂട്ടില് മണിക്കൂറുകളോളം ഗതാഗതം തടസപ്പെട്ടു.
