കൊച്ചി: ദിവ്യ എസ് അയ്യര് ഐ എ എസിന്റെ ഫേസ്ബുക്ക് പോസ്റ്റിന് താഴെ അശ്ലീല കമന്റിട്ട ദളിത് നേതാവിനെ കോണ്ഗ്രസ് സസ്പെന്റ് ചെയ്തു. ദളിത് കോണ്ഗ്രസ് എറണാകുളം ജില്ലാ സെക്രട്ടറി ടി കെ പ്രഭാകരനെയാണ് കോണ്ഗ്രസ് ജില്ലാ നേതൃത്വം സസ്പെന്റ് ചെയ്തത്.
ദിവ്യ എസ് അയ്യര് സിപിഎം നേതാവ് കെ കെ രാഗേഷിനെ പുകഴ്ത്തി സമൂഹമാധ്യമത്തില് ഇട്ട കുറിപ്പിനെ ചോദ്യം ചെയ്തു കൊണ്ട് ‘ദിവ്യയ്ക്ക് ഔചിത്യബോധമില്ല’ എന്ന വിഎം സുധീരന്റെ ഫേസ്ബുക്ക് കമന്റിന് താഴെയാണ്, എറണാകുളം കാഞ്ഞിരമറ്റം സ്വദേശി ടികെ പ്രഭാകരന് അശ്ലീല കമന്റിട്ടത്.
കോണ്ഗ്രസിന്റെ സംസ്കാരത്തിനും പാരമ്പര്യത്തിനും യോജിച്ചതല്ല പരാമര്ശം എന്ന് ബോധ്യപ്പെട്ടതിനാലാണ് പാര്ട്ടിയില് നിന്നും സസ്പെന്റ് ചെയ്യുന്നതെന്ന് ഡിസിസി അധ്യക്ഷന് മുഹമ്മദ് ഷിയാസ് അറിയിച്ചു.മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷ് സിപിഎം കണ്ണൂര് ജില്ലാ സെക്രട്ടറിയായി തെരഞ്ഞെടുക്കപ്പെട്ടതിന് പിന്നാലെ ദിവ്യ എസ് അയ്യര് നടത്തിയ അഭിനന്ദന പോസ്റ്റ് വലിയ വിവാദമുണ്ടാക്കിയിരുന്നു.
നിരവധി കോണ്ഗ്രസ് നേതാക്കള് ദിവ്യയെ വിമര്ശിച്ച് രംഗത്തെത്തുകയുണ്ടായി.
